బేగంపేట ఫ్లైఓవర్‌పైతెల్లవారుజామున రోడ్డు ప్రమాదం జరిగింది. ఓ కారు డివైడర్‌ను ఢీ కొట్టి పల్టీలు కొట్టింది. హైదరాబాద్ పబ్లిక్ స్కూల్ నుంచి పంజాగుట్ట వైపు వెళ్తుండగా తెల్లవారుజామున 4 గంటలకు ఈ ప్రమాదం జరిగింది. కారులో ప్రయాణిస్తున్న వ్యక్తికి గాయాలయ్యాయి.
హైదరాబాద్ పబ్లిక్ స్కూల్ నుంచి పంజాగుట్ట వైపు వెళ్తుండగా ఈ ఘటన చోటు చేసుకుంది. సమాచారం అందిన వెంటనే పోలీసులు అక్కడకు చేరుకుని వ్యక్తిని హుటాహుటిన ఆస్పత్రికి తరలించారు. పల్టీకొట్టిన కారును ట్రాఫిక్ పోలీసులు అక్కడి నుంచి తరలించారు. ప్రమాదంపై పోలీసులు కేసు నమోదు చేసి దర్యాప్తు చేపట్టారు.