నిజామాబాద్ జిల్లాలో చిన్నారి కిడ్నాప్ కలకలం..

నిజామాబాద్ జిల్లాలో కిడ్నాప్ కలకలం సృష్టించింది. బోధన్‎లో ఎనిమిది నెలల చిన్నారిని ఇద్దరు మహిళలు ఎత్తుకెళ్లినట్లు సమాచారం. చిన్నారి తల్లి లక్ష్మి పోలీసులను ఆశ్రయించింది. ఈ నేపథ్యంలో కిడ్నాప్ ఘటనపై పోలీసులు కేసు నమోదు చేశారు. పక్కా ప్రణాళిక ప్రకారం చిన్నారిని ఎత్తుకెళ్లిన దుండగులు రూ.30వేలకు విక్రయించినట్లు గుర్తించారు. అనంతరం చిన్నారిని క్షేమంగా తల్లికి అప్పగించారు. పోలీసులు నిందితులను అరెస్ట్ చేసి పోలీస్ స్టేషన్ కు తరలించారు.