Wednesday, December 1, 2021

టీమిండియా కోచ్ పదవిపై పాంటింగ్ ఇంట్రస్ట్ చూపలే

ముంబై: టీమిండియా కోచ్ ప‌ద‌వి కోసం చాలా మంది ఎగ‌బ‌డ‌తారు. అందులోనూ విదేశీ కోచ్‌లు మ‌రింత ఇంట్రస్ట్ చూపిస్తారు. ఈ పోస్ట్ ఖాళీ అయిన ప్ర‌తిసారి బీసీసీఐ ద‌ర‌ఖాస్తులు ఆహ్వానించ‌గానే పెద్ద ఎత్తున విదేశీ మాజీలు అప్లై చేసుకుంటారు. కానీ, ఈసారి మాత్రం మ‌న బోర్డే ఆస్ట్రేలియా మాజీ క్రికెట‌ర్ రికీ పాంటింగ్ ద‌గ్గ‌ర‌కు ఈ ప్ర‌తిపాద‌న‌తో వెళ్లింద‌ని, అత‌డు మాత్రం నిరాక‌రించాడ‌ని టైమ్స్ ఆఫ్ ఇండియా వెల్ల‌డించింది. కోచ్ ప‌ద‌వి వద్ద‌న‌డానికి కార‌ణ‌మేంటో మాత్రం చెప్ప‌లేదు.

పాంటింగ్ ప్ర‌స్తుతం ఐపీఎల్‌లో ఢిల్లీ క్యాపిట‌ల్స్ కు కోచ్‌గా ఉన్న విష‌యం తెలిసిందే. ఇప్ప‌టికే ఈ కోచ్ ప‌ద‌వి కోసం రాహుల్ ద్ర‌విడ్ దాదాపు ఖాయ‌మయ్యాడు. అయితే అంత‌కుముందే ఒక‌సారి ద్ర‌విడ్‌ను అడిగితే అత‌డు సున్నితంగా తిర‌స్క‌రించాడు. అటు కుంబ్లే కూడా ఆస‌క్తి చూప‌లేదు. దీంతో బీసీసీఐ పాంటింగ్‌తోపాటు జ‌య‌వ‌ర్ద‌నెలాంటి విదేశీ ప్లేయ‌ర్స్ వైపు చూసింది. కానీ, ఆ ఇద్ద‌రూ నో చెప్ప‌డంతో ఇక త‌ప్ప‌నిస‌రి ప‌రిస్థితుల్లో మ‌ళ్లీ ద్ర‌విడ్‌నే ఒప్పించారు. ‘‘ఇప్పుడున్న ప‌రిస్థితుల్లో ద్ర‌విడే క‌రెక్ట్ చాయిస్‌. నిజం చెప్పాలంటే మాకు వేరే అవ‌కాశం లేదు’’ అని బీసీసీఐ అధికారి ఒక‌రు చెప్పారు.

Advertisement

తాజా వార్తలు

Advertisement
Prabha News