ఎమ్మెల్యే దానం నాగేందర్‌కు జైలు శిక్ష

ఖైరతాబాద్ టీఆర్ఎస్ ఎమ్మెల్యే దానం నాగేందర్ కు ఆరు నెలల జైలు శిక్ష పడింది. హైదరాబాద్ జిల్లా మెట్రోపాలిటన్ క్రిమినల్ కోర్టులోని ఎంపీ, ఎమ్మెల్యే స్పెషల్ సెషన్స్ కోర్టు న్యాయమూర్తి వరప్రసాద్ ఈ మేరకు తీర్పు వెల్లడించారు. బంజారాహిల్స్‌లో 2013లో నమోదైన కేసులో నాగేందర్‌ను దోషిగా తేల్చిన కోర్టు.. రూ.వెయ్యి జరిమానా విధించింది. ఓ వ్యక్తిపై దాడిచేసి గాయపరిచారన్న కేసులో నాగేందర్‌పై అభియోగాలు రుజువు అయ్యాయి. అప్పీల్‌కు వెళ్లేందుకు శిక్ష అమలును నెల రోజులు నిలిపివేసింది.