జమ్మూ కాశ్మీర్‌లో జరిగిన భారీ ఎన్ కౌంటర్ లో ఐదుగురు ఉగ్రవాదులు హతమైయ్యారు. రెండు వేర్వేరు చోట్ల జరిగిన ఎన్ కౌంటర్లలో ఐదుగురు పాక్ ప్రేరేపిత ఉగ్రవాదులు మరణించారు. 12 గంటల వ్యవధిలో ఈ రెండు ఎన్ కౌంటర్లు జరిగాయి. కాశ్మీర్‌లోని పుల్వామా, బుద్గామ్ జిల్లాల్లో రెండు వేర్వేరు ఎన్‌కౌంటర్లలో లష్కరే తోయిబా, జైషే మహ్మద్‌లకు చెందిన ఐదుగురు ఉగ్రవాదులను భద్రతా దళాలు మట్టుబెట్టాయి. జైషే మహ్మద్ అగ్ర కమాండర్ జాహిద్ వనీ ఈ ఎన్‌కౌంటర్లలో హతమయ్యాడని పోలీసులు తెలిపారు.
కాగా, పుల్వామాలో శనివారం సాయంత్రం నైరా ప్రాంతంలో ఎన్కౌంటర్ జరిగింది. ఈ ఎన్కౌంటర్ లో జైష్-ఎ-మహ్మద్‌కు అనుబంధంగా ఉన్న నలుగురు ఉగ్రవాదులు హతమయ్యారు.