విశ్వం పుట్టుక గురించి తెలుసుకోవడానికి ప్రపంచ వ్యాప్తంగా ఎన్నో దేశాలు రకరకాల ప్రయత్నాలు చేస్తున్నాయి. ఈ నేపథ్యంలోనే అమెరికాకు నాసా చెందిన జేమ్స్ వెబ్ టెలిస్కోప్ ను స్పేస్ లోకి పంపింది. ఇప్పుడా టెలిస్కోప్ తన ఫస్ట్ ఫొటోని భూమికి పంపింది. దీంతో US ప్రెసిడెంట్ జో బిడెన్ జేమ్స్ వెబ్ స్పేస్ టెలిస్కోప్ ద్వారా తీసిన కాస్మోస్ యొక్క మొదటి ఫుల్ లెంగ్త్ ఫొటోని ఆవిష్కరించారు. వేలకొద్ది గెలాక్సీలు, బ్లూ, ఆరెంజ్, వైట్ రంగుల్లో ఎన్నో విషయాలు ఈ ఫొటోలో కనిపిస్తున్నాయి.
వైట్ హౌస్లో జరిగిన ఓ కార్యక్రమంలో జో బైడెన్ మాట్లాడుతూ.. ఈ రోజు చారిత్రాత్మకమైనదన్నారు. మానవాళికి చరిత్రలో ఈ రోజు మరువలేనిదన్నారు. మానవ చరిత్రలో ఈ క్షణం ఎంతో గర్వించదగినదని అమెరికా వైస్ ప్రెసిడెంట్ కమలా హారిస్ అన్నారు. విశ్వ చరిత్రలో ఈ రోజు ఓ గొప్ప అధ్యాయమని కొనియాడారు. ఇకపోతే.. జేమ్స్ వెబ్ టెలిస్కోప్ తీసిన ఇతర ఫొటోలను నాసా, యూరోపియన్ యూనియన్ స్పేస్ ఏజెన్సీ, కెనడియన్ స్పేస్ ఏజెన్సీ సంయుక్తంగా మంగళవారం విడుదల చేశాయి.