Sunday, June 16, 2024

జనాలను బెదిరించి డబ్బులు దండుకుంటున్న డీఎంకే నేతలు.. వీడియోలను బయటపెట్టిన మాజీ సీఎం  

తమిళనాడు మాజీ ముఖ్యమంత్రి, అన్నాడీఎంకే నేత ఎడప్పాడి కె పళనిస్వామి అధికార డీఎంకేపై విమర్శలు గుప్పించారు. ఆ పార్టీ కౌన్సిలర్లు ప్రజలను బెదిరించి డబ్బులు వసూలు చేస్తున్నారని ఆయన ఆరోపించారు. తన ట్విట్టర్‌లో ఒక వీడియోను పోస్ట్ చేశారు. ఇందులో డీఎంకే కార్యకర్తలు చట్టవిరుద్ధ కార్యకలాపాలకు పాల్పడ్డారని ఆయన ఆరోపించారు. ఇటీవల పల్లవరంలోని 31వ వార్డు డీఎంకే కౌన్సిలర్‌గా ఉన్న చిత్రాదేవి బావ శంకర్‌నగర్‌లో విధ్వంసానికి పాల్పడ్డాడు. చిత్రాదేవి బావమరిది దినేష్ తనకు డబ్బు ఇవ్వడానికి నిరాకరించిన షాపులపై రాళ్లు రువ్వాడని ఆరోపించారు. ఇది సీసీటీవీలో రికార్డైంది. దినేష్‌తో పాటు మరో నలుగురు నిందితులను పోలీసులు మంగళవారం అరెస్టు చేశారు.

ఎడప్పాడి కె. పళనిస్వామి కూడా ఇంటి నిర్మాణానికి లంచం ఇవ్వలేదనే ఆరోపణలతో షర్మిలా గాంధీ, 34 వార్డు కౌన్సిలర్, ఆమె భర్త కరుణ దంపతులతో వాదిస్తున్న వీడియోను కూడా షేర్​ చేశారు. కౌన్సిలర్, ఆమె భర్త దంపతులను పరోక్షంగా బెదిరించారని ఆరోపించారు. ఈ రెండు వీడియోలను షేర్ చేస్తూ.. తమిళనాడు వ్యాప్తంగా డీఎంకే కౌన్సిలర్ అవినీతికి పాల్పడుతున్నారని EPS ఆరోపించారు. బెదిరింపు వ్యూహాలతో డబ్బు డిమాండ్ చేయడానికి ఉండే అన్ని అవకాశాలను వారు ఉపయోగిస్తున్నారు. ఇలాగే కొనసాగితే ప్రజలే వారిని శిక్షిస్తారు. డీఎంకే ప్రభుత్వం వారిని కాపాడకుండా చర్యలు తీసుకుంటుందా. వారిని పదవి నుంచి తొలగిస్తుందా? అని ఎడప్పాడి కె పళనిస్వామి ప్రశ్నించారు.

Advertisement

తాజా వార్తలు

Advertisement