కర్నూలు జిల్లా ఉయ్యాలవాడలోని ఆంధ్ర ప్రగతి గ్రామీణ బ్యాంకులో 1.3 కిలోల బంగారం గల్లంతైన విషయం స్థానికంగా కలకలం సృష్టించింది. శుక్రవారం ఒక రైతు తన బంగారు లోన్ రెన్యూవల్ చేసేందుకు రావటంతో ఆ రైతు బంగారం కనిపించలేదు. దీంతో స్థానిక బ్యాంక్ మేనేజర్ మధుసూదన్ నంద్యాల ఆర్ఎంకు సమాచారం అందించారు. ఆర్ఎం జేఎల్ఎన్ ప్రసాద్ ఉయ్యాలవాడ బ్యాంకుకు చేరుకుని విచారణ చేయగా 1.3 కిలోల బంగారం గల్లంతు అయినట్లు గుర్తించారు. కాగా ఈ విషయంపై ఆర్ఎం, మేనేజర్ పోలీసులకు ఫిర్యాదు చేశారు.
