ఫ‌స్ట్ మ్యాచ్ : పుణేరి పల్టాన్, పట్నా పైరేట్స్
సెకండ్ మ్యాచ్ : జైపూర్ పింక్ పాంథర్స్, హర్యానా స్టీలర్స్
హైదరాబాద్‌లోని గచ్చిబౌలి స్టేడియంలో ప్రొ కబడ్డీ సెమీఫైనల్ మ్యాచులు క్రీడాకారుల గుండెల్లో గుబులు రేకేత్తించటమే కాదు… నరాలు తెగే ఉత్కంఠతను సృష్టించనున్నాయి. ప్రో కబడ్డీ సీజన్-10 ఆఖరి అంకానికి చేరుకున్న దశలో కబడ్డీ ప్రియులు టీవీలకు అతుక్కుపోయే సమయం ఉరుకులు పరుగులు పెడుతోంది. తొలి సెమీ ఫైనల్ మ్యాచ్‌లో పుణేరి పల్టాన్, పట్నా పైరేట్స్ తలపడనున్నాయి. ఈ మ్యాచ్ బుధవారం రాత్రి 8 గంటలకు ప్రారంభంకానుంది. ఇక రెండో సెమీస్‌లో జైపూర్ పింక్ పాంథర్స్, హర్యానా స్టీలర్స్ తలపడనున్నాయి. కాగా ఈ మ్యాచ్ బుధవారం రాత్రి 9 గంటలకు జరుగుతుంది.
మార్చి 1న ఫైనల్స్‌
ఈ రెండు మ్యచుల్లో గెలిచిన జట్లు మార్చి 1 న జరిగే ఫైనల్లో తలపడతాయి. ఫైనల్ కూడా గచ్చిబౌలి స్టేడియంలోనే జరగనుంది.96 పాయింట్లతో పుణేరి పల్టాన్, 92 పాయింట్లతో జైపూర్ పింక్ పాంథర్స్ నేరుగా సెమీస్‌కి చేరుకున్నాయి. ఇక ప్లే ఆఫ్స్‌లో దబాంగ్ ఢిల్లీ, పట్నా పైరేట్స్ తలపడగా పట్నా 37-35 తో ఢిల్లీపై విజయం సాధించి సెమీస్‌కు చేరుకుంది. ఇక మరో ప్లే ఆఫ్ మ్యాచ్‌లో హర్యానా స్టీలర్స్ 42-25 తేడాతో గుజరాత్ జెయింట్స్‌ను చిత్తు చేసి సెమీస్‌కి చేరింది. ఇక ఎప్పటిలాగే తెలుగు టైటాన్స్ ఈ సీజన్‌లో కూడా నిరాశపరిచింది. 22 మ్యాచ్‌లు ఆడిన టైటాన్స్ రెండు మ్చాచ్ల్లో మాత్రమే విజయం సాధించి 19 మ్యాచ్‌ల్లో పరాజయాన్ని మూటగట్టుకుంది. ఇక చివరి లీగ్ మ్యాచ్‌లో యూ ముంబాతో తలపడిన టైటాన్స్.. మ్యాచ్‌ను డ్రా గా ముగించింది.