Sunday, February 25, 2024

గృహ నిర్మాణానికి రూ 3 ల‌క్ష‌ల సాయం… ఈ బ‌డ్జెట్ లో రూ.7890 కోట్లు కేటాయింపు…

హైద‌రాబాద్ – అసెంబ్లీలో బడ్జెట్‌ను ఆర్థిక శాఖ మంత్రి తన్నీరు హరీష్‌రావు ప్ర‌వేశ‌పెట్టారు.. అలాగే మండ‌లిలో మంత్రి ప్ర‌శాంత‌రెడ్డి ప్ర‌వేశ‌పెట్టారు. మొత్తం రూ. 2,90,396 కోట్లతో బ‌డ్జెట్ ను ప్ర‌తిపాదించారు.. ఇందులో రెవెన్యూ వ్యయం రూ. 2,11,685 కోట్లు కాగా,పెట్టుబడి వ్యయం రూ. 37,525 కోట్లు గా చూపారు. ఈ బ‌డ్జెట్ లో ఇంటి స్థ‌లం ఉండి భ‌వ‌న నిర్మాణం చేసుకునే ఇంటి య‌జమానికి రూ.3 ల‌క్ష‌లు ఇవ్వ‌నున్న‌ట్లు పేర్కొన్నారు.. ఇందుకోసం ఈ బ‌డ్జెట్ లో రూ.7890 కోట్లు కేటాయించారు.. రైతు బందుకురూ 15075 కోట్లు,రైతు బీమా ప‌ధ‌కానికి రూ .1589 కోట్లు, కొత్త ఉద్యోగాల నియ‌మాకం కోసంరూ.1000 కోట్లు ,రుణ‌మాపీ ప‌థ‌కానికి రూ.6,385 కోట్లు కేటాయించారు.


కాగా, ఈ మొత్తం బడ్జెట్ లో వివిధ శాఖలు,కేంద్రప్రభుత్వం నుంచి వచ్చేనిధుల వివరాలను హరీష్ వెల్లడించారు.. కేంద్ర ప్రభుత్వం నుంచి రూ. 21, 471 కోట్లు పన్నుల రూపంలో వస్తాయని తెలిపారు. ఇత‌ర ప‌న్నుల రూపంలో రూ. 650 కోట్లు, వాహ‌నాల ప‌న్ను రూపంలో 7,512 కోట్లు, కేంద్ర నుంచి వివిధ ప‌ద్దుల కింద వ‌చ్చేనిధుల‌ను రూ. 41, 259. 17 కోట్లుగా పేర్కొన్నారు.. రిజిస్ట్రేష‌న్ శాఖ ద్వారా రూ. 18, 500 కోట్లు, ల్యాండ్‌ రెవెన్యూ ద్వారా ఆదాయం రూ. 12.5 కోట్లు , ఎక్సైజ్‌శాఖ ద్వారా ఆదాయం రూ. 19 వేల 884.90 కోట్లు , అమ్మకపు పన్ను ద్వారా ఆదాయం రూ. 39.500 కోట్లు వ‌స్తాయ‌ని బ‌డ్జెట్ లో పేర్కొన్నారు. ఇక ఈ బడ్జెట్‌లో వ్యవసాయ రంగానికి 26,831 కోట్లు కేటాయిస్తున్నట్లు తెలిపారు. ఎయిర్ పోర్ట్ మెట్రోకి రూ.500 కోట్లు, పాత‌బ‌స్తీ మెట్రోకి రూ.500 కోట్లు కేటాయించారు. డ‌బుల్ బెడ్ రూం భ‌వన నిర్మాణాల‌కు రూ.1200కోట్లు, క‌ల్యాణ ల‌క్ష్మీ,షాదీ ముబార‌క్ ప‌థ‌కాల‌కు 3,250 కోట్లు, ఆర్టీసీకి 1500కోట్లు, కేటాయించారు.

అదేవిధంగా నీటిపారుద‌ల శాఖ‌కు రూ. 26,885 కోట్లు కేటాయించిన ప్రభుత్వం, విద్యుత్ రంగానికి రూ. 12,727 కోట్లు కేటాయించింది. విద్యా రంగానికి రూ. 19,093 కోట్లు .. వైద్య రంగానికి రూ. 12,161 కోట్లు కేటాయించారు.
పరిశ్రమలకు రూ. 4,037 కోట్లు మూసీ అభివృద్ధి కోసం రూ. 200 కోట్లు ద‌ళిత‌బందుకు రూ.17,700 కోట్లు కేటాయించారు.

అంత‌కు ముందు హ‌రీష్ రావు బడ్జెట్ ప్రతులతో జూబ్లీహిల్స్ వేంకటేశ్వర స్వామి ఆలయానికి వెళ్లి స్వామివారిని దర్శించుకున్నారు. ఆలయ సిబ్బంది, అర్చకులు మంత్రికి ఘనస్వాగతం పలికారు. ప్రత్యేక పూజల అనంతరం హరీష్ రావు అసెంబ్లీకి బయలుదేరి వెళ్లారు . బడ్జెట్ సమావేశాల నేపథ్యంలో అసెంబ్లీకి చేరుకున్న‌ సీఎం కేసీఆర్ కు మంత్రులు హరీష్ రావు, వేముల ప్రశాంత్ రెడ్డి స్వాగతం పలికారు. ఈ సందర్భంగా సీఎం కేసీఆర్ కు హరీష్ రావు, వేముల ప్రశాంత్ రెడ్డి పాదభివందనం చేసి ఆశిస్సులు తీసుకున్నారు.అనంత‌రం అసెంబ్లీలో సీఎం కేసీఆర్ కు మంత్రులు హరీష్ రావు, వేముల ప్రశాంత్ రెడ్డి బడ్జెట్ ప్రతులను అందజేశారు.

2023 – 24 బడ్జెట్ 2,90,396 కోట్లు..
తెలంగాణ బడ్జెట్‌ను మంత్రి హరీష్ రావు 2023 – 24 బడ్జెట్ 2,90,396 కోట్లతో బడ్జెట్‌ను ప్రవేశపెట్టారు.
తెలంగాణ 2023 – 24 వార్షిక బడ్జెట్ 2,90,396 కోట్లు. రెవెన్యూ వ్యయం రూ. 2,11,685 కోట్లు. పెట్టుబడి వ్యయం రూ. 37,525 కోట్లు.
తలసరి ఆదాయం3,17,215
మూలధన వ్యయం 37, 525 కోట్లు
బడ్జెట్ లో వ్యవసాయ రంగానికి భారీగా కేటాయింపులు..
సీఎం కేసీఆర్ ఆధ్వర్యంలోని తెలంగాణ రాష్ట్ర ప్రభుత్వం వ్యవసాయ రంగానికి పెద్దపీట వేస్తుందని మంత్రి హరీష్ రావు అన్నారు. ఈ బడ్జెట్‌లో వ్యవసాయ రంగానికి 26,831 కోట్లు కేటాయిస్తున్నట్లు తెలిపారు. అదేవిధంగా నీటిపారుద‌ల శాఖ‌కు రూ. 26,885 కోట్లు కేటాయించిన ప్రభుత్వం, విద్యుత్ రంగానికి రూ. 12,727 కోట్లు కేటాయించింది..

ఆదాయం రాక వివరాలు..
కేంద్ర పన్నుల వాటా రూ. 21, 471 కోట్లు
ట్యాక్స్‌ మరియు ఖర్చుల పన్నుల ద్వారా ఆదాయం రూ. 650 కోట్లు
పన్నేతర ఆదాయం రూ. 22,801 కోట్లు
కేంద్ర నిధులు రూ. 41, 259. 17 కోట్లు
వాహన పన్ను ద్వారా ఆదాయం రూ. 7,512 కోట్లు
ఎలక్టిసిటీ పన్నుల ద్వారా ఆదాయం రూ. 750 కోట్లు
రియల్‌ ఎస్టేట్‌ పన్నుల ద్వారా రాబడి రూ. 175 కోట్లు
ఇతర పన్నుల సుంకాల ద్వారా ఆదాయం రూ. 44.20 కోట్లు
స్టాంప్స్‌ అండ్‌ రిజిస్ట్రేషన్న్‌ ద్వారా ఆదాయం రూ. 18, 500 కోట్లు
ల్యాండ్‌ రెవెన్యూ ద్వారా ఆదాయం రూ. 12.5 కోట్లు
ఎక్సైజ్‌శాఖ ద్వారా ఆదాయం రూ. 19 వేల 884.90 కోట్లు
అమ్మకపు పన్ను ద్వారా ఆదాయం రూ. 39.500 కోట్లు

విద్య, విద్య రంగాలకు ప్రాధాన్యం.. వివిధ శాఖల,పథకాలకు కేటాయింపుల వివరాలు
వైద్యం, విద్య రంగాలకు మంత్రి హరీష్ రావు బడ్జెట్‌లో ప్రాధాన్యత కల్పించారు.
విద్యా రంగానికి రూ. 19,093 కోట్లు .. వైద్య రంగానికి రూ. 12,161 కోట్లు కేటాయించారు.
ప్రజాపంపిణీ రంగానికి రూ. 3117 కోట్లు
రైతు రుణ మాపి ప‌థ‌కానికి రూ.6385 కోట్లు
రైతుబంధు పథకానికి రూ.15075కోట్లు
రైతుబీమా పథకానికి రూ. 1589కోట్లు
పల్లె ప్రగతి, పట్టణ ప్రగతి పథకానికి రూ. 4834 కోట్లు
ఆయిల్ ఫామ్ సాగు – 1000 కోట్లు.
జర్నలిస్టుల సంక్షేమానికి రూ. 100 కోట్ల కార్పస్‌ ఫండ్‌
సొంత జాగ ఉన్న వాళ్ల కోసం – 7890కోట్లు.
యునివర్సిటీ ల అభివృద్ధి – 500 కోట్లు.
పరిశ్రమల ఉత్పత్తి ప్రోత్సాహకాలు – 2937.20 కోట్లు.
పరిశ్రమలకు విద్యుత్ సబ్సిడీ -316.39 కోట్లు.
ఫుడ్ ప్రాసెసింగ్ యూనిట్లకు పావలా వడ్డీ రుణం – 266.20 కోట్లు
కొత్త ఉద్యోగ నియామకాల కోసం -1000కోట్లు
ఆరోగ్యశ్రీకి రూ.1463 కోట్లు
కల్యాణ లక్ష్మి, షాదీ ముబారక్‌ పథకాలకు రూ. 3,210 కోట్లు.
కేసీఆర్‌ న్యూట్రిషన్‌ కిట్‌కు రూ 200 కోట్లు
డబుల్‌బెడ్‌ రూమ్‌ ఇళ్ల నిర్మాణానికి రూ. 1200 ‍కోట్లు
ఉన్నత విద్యాశాఖకు రూ. 3,001 కోట్లు
టీఎస్‌ ఆర్టీసీకి రూ. 1500 కోట్లు
రవాణాశాఖకు రూ. 1,644 కోట్లు
మున్సిపల్‌ శాఖకు రూ. 11వేల 372 కోట్లు
రోడ్లు, భవనాల శాఖకు రూ. 2 వేల కోట్లు
హైదరాబాద్‌ ఎయిర్‌పోర్ట్‌ మెట్రోకు రూ. 500 కోట్లు
పాతబస్తీకి మెట్రో కనెక్టివిటీకి రూ. 500 కోట్లు
షెడ్యూల్‌ కులాల ప్రత్యేక ప్రగతి నిధికి రూ. 36వేల 750 కోట్లు
ఐ అండ్‌ పీఆర్‌ కోసం రూ. వెయ్యి కోట్లు
హోంశాఖకు రూ. 9వేల 500 కోట్లు
మహిళా వర్సిటీకి రూ. 100 కోట్లు
మూసీ అభివృద్ధి కోసం రూ. 200 కోట్లు
రవాణాశాఖకు రూ. 1,644 కోట్లు
గిరిజన సంక్షేమానికి రూ. 3,965 కోట్లు
పరిశ్రమలకు రూ. 4,037 కోట్లు
గ్రామాల్లో రోడ్ల కోసం రూ. 2 వేల కోట్లు
హరితహారానికి రూ. 14 వేల 71 కోట్లు
మైనారిటీ సంక్షేమానికి రూ. 2 వేల 200 కోట్లు
విద్యారంగానికి రూ.19వేల 093 కోట్లు
ఇరిగేషన్‌ రంగానికి రూ. 26వేల 885 కోట్లు
షెడ్యూల్‌ తెగలకు రూ.15, 233 కోట్లు
బీసీ సంక్షేమం కోసం రూ. 6,229 కోట్లు
దళితబంధుకు రూ. 17 వేల 700 కోట్లు
ఆసరా పెన్షన్లకు రూ.12 వేల కోట్లు
నీటి పారుదల రంగానికి రూ. 26, 831 కోట్లు
విద్యుత్‌ రంగానికి రూ.12, 727 కోట్లు
ప్రజాపంపిణీ రంగానికి రూ. 3117 కోట్లు

Advertisement

తాజా వార్తలు

Advertisement