దేశవ్యాప్తంగా ప్రతిష్టాత్మకమైన ఎయిమ్స్ (ఆల్ ఇండియా ఇన్‌స్టిట్యూట్ ఆఫ్ మెడికల్ సైన్సెస్)లో భారీ సంఖ్యలో ఉద్యోగాల భర్తీకి నోటిఫికేషన్ రిలీజ్ అయింది. నర్సింగ్ ఆఫీసర్ రిక్రూట్‌మెంట్ కామన్ ఎలిజిబిలిటీ టెస్ట్ (NORSET)-4 ద్వారా మొత్తం 3,055 నర్సింగ్ ఆఫీసర్ పోస్టులను భర్తీ చేయనున్నారు. అర్హులైన అభ్యర్థులు మే 5 వరకు ఆన్‌లైన్‌లో దరఖాస్తు చేసుకోవాలి.
ఖాళీలు, అర్హతలు..
ఉద్యోగాల భర్తీకి రిలీజ్ అయిన నోటిఫికేషన్లో మొత్తం 3055 ఖాళీలు ఉండగా.. అందులో హైదరాబాద్ లోని బీబీ నగర్ ఎయిమ్స్ -150, ఏపీలోని మంగళగిరి ఎయిమ్స్ లో – 117, ఎయిమ్స్ బటిండా – 142, ఎయిమ్స్ భోపాల్ లో – 51, ఎయిమ్స్ భువనేశ్వర్ – 169, AIIMS బిలాస్‌పూర్ – 178, ఎయిమ్స్ దేవ్‌గఢ్- 100, ఎయిమ్స్ గోరఖ్‌పూర్ – 121, AIIMS జోధ్‌పూర్- 300, ఎయిమ్స్ కళ్యాణి- 24, ఎయిమ్స్ నాగ్‌పూర్- 87, ఎయిమ్స్ రాయ్ బరేలీ- 77, ఎయిమ్స్ న్యూఢిల్లీ- 620, ఎయిమ్స్ పాట్నా- 200, AIIMS రాయ్‌పూర్- 150, ఎయిమ్స్ రాజ్‌కోట్- 100, ఎయిమ్స్ రిషికేశ్- 289, విజయ్‌పూర్ ఎయిమ్స్‌లో 180 ఖాళీలను భర్తీ చేయనున్నారు.
జీఎన్‌ఎం (GNM) డిప్లొమాతో పాటు రెండేళ్ల అనుభవం లేదా బీఎస్సీ ఆనర్స్‌, నర్సింగ్, బీఎస్సీ నర్సింగ్ బీఎస్సీ పోస్ట్ సర్టిఫికేట్‌, పోస్ట్ బేసిక్ బీఎస్సీ నర్సింగ్‌లో ఉత్తీర్ణత సాధించాలి.
వయోపరిమితి: 18-30 ఏళ్ల మధ్య ఉండాలి. ఎస్సీ, ఎస్టీ అభ్యర్థులకు ఐదేళ్లు, ఓబీసీలకు మూడేళ్లు, వికలాంగులకు పదేళ్లు, మాజీ సైనికులకు ఐదేళ్లు వయోపరిమితిలో సడలింపు ఉంటుంది.
జీతం: రూ.9300- రూ.34800 ప్లస్ గ్రేడ్ పే రూ.4600.
దరఖాస్తు రుసుము: జనరల్/ OBC అభ్యర్థులకు రూ.3000; SC/ST/EWS అభ్యర్థులకు రూ.2400; PWD అభ్యర్థులకు మినహాయింపు ఉంది.
ఎంపిక ప్రక్రియ: డాక్యుమెంట్ వెరిఫికేషన్ మరియు మెడికల్ ఎగ్జామినేషన్‌తో పాటు NORSET-4లో పొందిన స్కోర్ ఆధారంగా ఉద్యోగాలకు ఎంపిక చేయబడుతుంది.