తాడేప‌ల్లి: ప్ర‌జ‌ల‌కు పార్టీ, ప్ర‌భుత్వం మ‌రింత ద‌గ్గ‌ర‌య్యేందుకు ఎపి ముఖ్య‌మంత్రి జగన్ మ‌రో కొత్త కార్య‌క్ర‌మానికి శ్రీకారం చుడుతున్నారు.. ఈ కార్య‌క్ర‌మానికి ‘జగనన్నకు చెబుదాం’ అనే పేరుని ఖరారు చేశారు. ఈ కార్యక్రమం సన్నాహకాలపై సీఎం వైయస్‌.జగన్ ముఖ్య‌మంత్రి క్యాంపు కార్యాల‌యంలో సమీక్ష నిర్వ‌హించారు. ఈ కార్యక్రమం ప్రారంభానికి అధికారులు సన్నద్ధం కావాలని ముఖ్య‌మంత్రి ఆదేశించారు. .
వినతులను సంతృప్తస్థాయిలో పరిష్కరించడం ఈ కార్యక్రమం ప్రధాన లక్ష్యమ‌ని తెలిపారు స్పందన కార్యక్రమంలో భాగంగా అత్యధిక అర్జీలు అందుకుంటున్న ప్రభుత్వ విభాగ అధిపతులతో సీఎం సమీక్షించారు. అర్జీల పరిష్కారంలో అనుసరించాల్సిన విధానాలపై సమగ్రంగా చ‌ర్చించారు. త్వ‌ర‌లో చేప‌ట్ట‌బోయే జగనన్నకు చెబుదాం కార్య‌క్ర‌మ విధి విధానాలపై సుదీర్ఘంగా చ‌ర్చించారు.