వాంఖడే స్టేడియం వేదిక‌గా ముంబైతో జరుగుతున్న మ్యాచ్‌లో చెన్నై సూపర్ కింగ్స్ జట్టు భారీ స్కోరు సాధించింది. కెప్టెన్ రుతురాజ్ గైక్వాడ్ (69), శివమ్ దూబే (66) అర్ధ సెంచరీలతో చెలరేగారు. చివర్లో వచ్చిన ధోనీ (20: 4 బంతుల్లో 3 సిక్సర్లు) బౌండరీలతో హోరెత్తించాడు. ఫలితంగా చెన్నై జట్టు నిర్ణీత 20 ఓవర్లలో 4 వికెట్ల నష్టానికి 206 పరుగులు చేయగలిగింది.
ఇక ముంబై బౌలర్లలో కెప్టెన్ హార్దిక్ పాండ్యా రెండు వికెట్లు పడగొట్టగా… శ్రేయాస్ గోపాల్, గెరాల్డ్ కోయెట్జీ చెరో వికెట్ దక్కించుకున్నారు. ఇక 207 పరుగుల టార్గెట్‌తో ముంబై ఇండియన్స్ జట్టు ఛేజింగ్‌కు దిగనుంది.
