Thursday, June 20, 2024

అన్నమయ్య కీర్తనలు : చూడుడిందరికి

రాగం : భైరవి

చూడుడిందరికి సులభుడు హరి
తోడు నీడయగు దొరముని యితడు||

కైవల్యమునకు కనకపు తాపల-
త్రోవై శ్రుతులకు తుదిపదమై
పావన మొకరూపమై విరజకు
నావై యున్నాడిదె యితడు||

కాపాడ గ లోకములకు సుజ్ఞాన
దీపమై జగతికి తేజమై
పాపాలడపగ భవపయోధులకు
తేపైయున్నాడిదే యితడు||

కరుణానిధి రంగపతికి కాంచీ-
వరునకు వేంకటగిరిపతికి
నిరతి నహోబలనృకేసరికి త-
త్పరుడగు శఠగోపముని యితడు||

Advertisement

తాజా వార్తలు

Advertisement