ప్ర‌శాంత్ నీల్ తో ప్ర‌భాస్ మ‌రో చిత్రం..

బాహుబలితో ప్రభాస్‌, కేజీఎఫ్‌తో దర్శకుడు ప్రశాంత్‌ నీల్‌ సినీరంగంలో సంచలనం సృష్టించారు. వీరిద్దరి కలయికలో ఇప్పుడు సలార్‌ సినిమా రూపొందుతోంది. ప్రభాస్‌ నటిస్తుండగా రూపొందుతున్న అత్యంత భారీ చిత్రమిది. ఈ సినిమాపై అంచనాలున్నాయి. ఇదిలా ఉంటే ప్రభాస్‌, ప్రశాంత్‌ నీల్‌ సలార్‌ తర్వాత మరో చిత్రం చేయనున్నారనేది తాజా వార్త. అది కూడా పౌరాణిక చిత్రం చేస్తారట. ఈ విషయాన్ని ప్రముఖ నిర్మాత దిల్‌ రాజు ఓ ఇంటర్య్వూలో వెల్లడించారు.
కేజీఎఫ్‌ 2 తర్వాత ప్రశాంత్‌ నీల్‌ జూ.ఎన్టీఆర్‌తో ఓ సినిమా చేయబోతున్నారు. ఈ సినిమా పూర్తిచేశాక ప్రభాస్‌తో సినిమా చేస్తారని దిల్‌ రాజు తెలిపారు. ఈ సినిమాకు సంబంధించిన కథ సిద్దమైందని కూడా చెప్పారు.
పక్కా మాస్‌ పల్స్‌ తెలిసిన దర్శకుడు ప్రశాంత్‌ నీల్‌. ఆయనతో సినిమా చేయడానికి చాలా మంది స్టార్స్‌ సిద్దంగా ఉన్నారు. కానీ ప్రభాస్‌తోనే మరో చిత్రం చేయడానికి ఆయన మొగ్గుచూపడం విశేషం.