హైద‌రాబాద్ నోవాటెల్ లో.. పొన్నియ‌న్ సెల్వ‌న్ ప్రీ రిలీజ్ ఈవెంట్

ఆదివారం హైద‌రాబాద్ నోవాటెల్ హోట‌ల్ లో పొన్నియ‌న్ సెల్వ‌న్ ప్రీ రిలీజ్ ఈవెంట్ ని నిర్వ‌హించనున్నారు. ఈ మేరకు చిత్రబృందం ట్విట్టర్ లో అప్ డేట్ ఇచ్చింది. ఓ స్పెషల్ వీడియోను రిలీజ్‌ చేసింది. హైదరాబాద్‌లో చోళుల గ్రాండ్ రాకను మిస్ అవ్వకండి! ఏప్రిల్ 23న సాయంత్రం 5:30 గంటలకు నోవాటెల్ హైదరాబాద్ కన్వెన్షన్ సెంటర్‌లో మాతో కలవండి. తమిళం, హిందీ, తెలుగు, మలయాళం, కన్నడ భాషలలో ఏప్రిల్ 28న ప్రపంచవ్యాప్తంగా పొన్నియన్ సెల్వన్ ను రిలీజ్ చేస్తున్నాం అని శ్రీ వెంకటేశ్వర క్రియేషన్స్ సంస్థ పేర్కొంది. ఇక ఈ సినిమాకు తెలుగులో దిల్‌రాజు నిర్మాతగా వ్యవహరిస్తున్నారు. హిస్టారికల్ యాక్షన్ డ్రామా నేపథ్యంలో తెరకెక్కుతున్న ఈ సినిమాను కల్కి కృష్ణమూర్తి రాసిన పొన్నియన్‌ సెల్వన్ నవల ఆధారంగా మణిరత్నం తెరకెక్కించారు. గతేడాది సెప్టెంబర్‌ చివరి వారంలో పార్ట్‌-1 రిలీజైంది. తమిళనాట కాసుల వర్షం కురిపించింది. అయితే మిగితా భాషల్లో మాత్రం యావరేజ్ గానే ఆడింది. ఏ.ఆర్‌.రెహమాన్‌ సంగీతం అందించిన ఈ చిత్రాన్ని లైకా ప్రొడక్షన్స్‌తో కలిసి మద్రాస్‌ టాకీస్‌ బ్యానర్‌పై మణిరత్నం స్వీయ నిర్మాణంలో తెరకెక్కించారు. మరో వారం రోజుల్లో ప్రేక్షకుల ముందుకు రాబోతోంది ‘పొన్నియన్‌ సెల్వన్‌-2’. లెజెండరీ దర్శకుడు మణిరత్నం తెరకెక్కించిన ఈ సినిమా ప్రమోషన్స్ జోరుగా సాగుతున్నాయి.