పవర్ స్టార్ పవన్ కళ్యాణ్, దగ్గుబాటి రానా ప్రధాన పాత్రలో సాగర్ కే చంద్ర దర్శకత్వంలో అయ్యప్పనుమ్ కొషియమ్ రీమేక్ చిత్రం తెరకెక్కుతున్న సంగతి తెలిసిందే. సితార ఎంటర్టైన్ మెంట్స్ పతాకంపై ప్రొడక్షన్ నెంబర్ 12 గా వస్తున్న ఈ సినిమాకు మాటల మాంత్రికుడు త్రివిక్రమ్ మాటలు, స్క్రీన్ ప్లే అందిస్తున్నారు. అయితే కరోనా కారణంగా ఈ మూవీ షూటింగ్ కు వాయిదా పడగా… నేడు తాజాగా షూటింగ్ మళ్ళీ మొదలైంది.
పవన్ కళ్యాణ్ కూడా ఈ రోజు షూటింగ్ లో పాల్గొన్నాడు. అయితే పవన్ కళ్యాణ్ ఈ చిత్రంలో పోలీస్ ఆఫీసర్ భీంలా నాయక్ పాత్ర లో కనిపించనున్నారు. సెట్స్ లో పవన్ కళ్యాణ్ పోలీస్ గెటప్ లో ఉన్న ఫోటో ఇప్పుడు సోషల్ మీడియాలో వైరల్ అవుతోంది. ఈ ఫోటో లో పవన్ కళ్యాణ్ వెనక నుంచి పోలీస్ డ్రెస్ లో కనిపించారు.