విభిన్నమైన కథలను ఎంచుకోవడంలో తమిళ స్టార్ హీరో ధనుష్ ఎప్పుడూ ముందుంటారు. అయితే ధనుష్ హీరోగా ప్రేక్షకుల ముందుకు రాబోతున్న చిత్రం జగమే తంత్రం. కార్తీక్ సుబ్బరాజ్ దర్శకత్వం వహించిన ఈ చిత్రం ఈనెల 18న నెట్ ఫ్లిక్స్ లో స్ట్రీమింగ్ కానుంది. ఇటీవల విడుదలైన ట్రైలర్ కూడా ప్రేక్షకులను విశేషంగా ఆకట్టుకుంది. అయితే ఈ సినిమా రిలీజ్ నేపథ్యంలో ధనుష్ ట్విట్టర్ ద్వారా మాట్లాడుతూ పలు ఆసక్తికర విషయాలను పంచుకున్నారు. ఈ సినిమాలో చేసిన పాత్ర తనకు ఎంతో ఇష్టమైన పాత్ర అని వీలుంటే ఈ సినిమాకు సీక్వెల్ కూడా చేయాలని ఉందని చెప్పుకొచ్చారు.
కార్తీక్ సుబ్బరాజ్ మంచి ఐడియా ఆలోచిస్తే అది కుదురుతుందని అన్నారు ధనుష్. కాగా నెట్ ఫ్లిక్స్ ద్వారా విడుదలైన ఈ చిత్రం ఒకటి లేదా రెండు నెలల తర్వాత టీవీలలో కూడా ప్రసారం కానుంది. టీవీలో ప్రసారమయ్యే వెర్షన్ లో ఓటీటీ లో రిలీజ్ అయ్యే వెర్షన్ కంటే రెండు పాటలను అదనంగా ఉంచుతున్నారు చిత్రయూనిట్.