Vizag: 25లక్షల మందికి ఇల్లు కట్టి ఇస్తాం : సీఎం జ‌గ‌న్

25లక్షల మందికి ఇల్లు కట్టి ఇస్తామని ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి అన్నారు. విశాఖపట్నం జిల్లా సబ్బవరం మండలం పైడివాడ అగ్రహారంలో ఇళ్లపట్టాల పథకాన్ని ఏపీ సీఎం వైఎస్ జగన్ ప్రారంభించారు. ఈ సందర్భంగా ఆయన మాట్లాడుతూ.. అన్ని అడ్డంకులను అధిగమించి ఈ కార్యక్రమాన్ని ప్రారంభిస్తున్నామని పేర్కొన్నారు. రాష్ట్రంలో 17వేల జగనన్న కాలనీలు వస్తున్నాయని, రెండో దశ ఇళ్ల నిర్మాణం కూడా ప్రారంభించాలని ఆదేశాలు ఇచ్చామన్నారు. తనకు మంచి పేరు వస్తుందనే బాధతో.. కొందరు ఇళ్ల పట్టాల పంపిణీని కోర్టుకెళ్లి అడ్డుకునే ప్రయత్నం చేశారన్నారు.