AP: విద్యుత్‌ ఉద్యోగుల ధర్నాకు హైకోర్టు అనుమతి

అమరావతి: విద్యుత్‌ ఉద్యోగుల ధర్నాకు ఆంధ్రప్రదేశ్‌ హైకోర్టు అనుమతి ఇచ్చింది. ధర్నాకు అనుమతి కావాలని కోరుతూ విద్యుత్‌ సంఘాలు వేసిన పిటిషన్‌పై ఉన్నత న్యాయస్థానం విచారణ జరిపింది. ఈమేరకు షరతులతో కూడిన అనుమతిని మంజూరు చేసింది. ఈనెల 10న ఉదయం 10:30 నుంచి మధ్యాహ్నం 1:30గంటలలోపు ధర్నా చేసుకోవాలని ఉద్యోగుల సంఘానికి సూచించింది. అంతకు ముందు విద్యుత్ ఉద్యోగుల ధర్నాకు అనుమతి నిరాకరించారు.. దీంతో విద్యుత సంఘం అనుమతి కోసం హైకోర్టు ను ఆశ్రయించింది.. విచారణ జరిపిన న్యాయస్థానం షరతులతో అనుమతి మంజూరు చేసింది..