Thursday, February 22, 2024

Cordon Search – నాటు తుపాకుల అడ్డా గా ఆళ్ల‌గ‌డ్డ‌..

ఆళ్ల గడ్డ ( కర్నూల్)- :: నంద్యాల జిల్లా ఆళ్లగడ్డ మండలం అహోబిలంలో ఈరోజు తెల్లవారుజామున రూరల్ పోలీసులు కార్డెన్ సర్చ్ నిర్వహించారు. డీఎస్పీ వెంకటరామయ్య ఆధ్వర్యంలో పోలీసులు నాలుగు బృందాలుగా ఏర్పడి ఈ కార్డెన్ సర్చ్ నిర్వహించారు. 19 నాటు తుపాకులు, రెండు పిడిపాకులు ఈ కార్డెన్ సర్చ్ లో లభ్యమయ్యాయి. 2012 వ సంవత్సరంలో భార్యాభర్తలిద్దరూ ఇటువంటి నాటు తుపాకులతోనే కాల్చుకొని అక్కడికక్కడే చనిపోయారు. 2014 ఎన్నికల సమయంలో పోలీసులు కార్డెన్ సర్చ్ నిర్వహించగా దాదాపుగా 70 నాటు తుపాకులు లభ్యమయ్యాయి.

తర్వాత ఈనెల 15వ తేదీన అక్రమ సంబంధం కారణంగా పాత కక్షలు మనసులో పెట్టుకొని రామాంజనేయులు అనే వ్యక్తి ఇదే నాటు తుపాకితో నరసింహను కాల్చబోతే అది గురి తప్పి పెద్దన్న అనే వ్యక్తికి తగలడంతో తీవ్రంగా గాయపడ్డాడు. అడవి సమీపంలోనే ఉండడంతో వేట కోసం ఈ నాటు తుపాకుల్ని వారే తయారు చేసుకుంటున్నారు. కేవలం అడవిలో జంతువుల్ని వేటాడడానికి మాత్రమే ఉపయోగించాల్సిన ఈ నాటు తుపాకుల్ని పాత కక్షలకు వాడుతున్నారు. ఈ మేరకు పోలీసులు అప్రమత్తమై అహోబిలం గ్రామంలో కార్డెన్ సెర్చ్ నిర్వహించి నాటు తుపాకులు స్వాధీన పరచుకొని, డీఎస్పీ ఆధ్వర్యంలో వారికి కౌన్సెలింగ్ నిర్వహించారు.

Advertisement

తాజా వార్తలు

Advertisement