ఆంధ్ర్రప్రదేశ్ రాష్ట్ర ముఖ్యమంత్రి వైఎస్ జగన్మోహన్ రెడ్డి పిల్లి కాదు.. పులి అని ఏపీ మాజీ మంత్రి కొడాలి నాని అన్నారు. గుడివాడలో ఆయన మీడియాతో మాట్లాడుతూ.. పిల్లికి పులికి తేడా తెలియకపోతే ఆహారమైపోతారన్నారు. చంద్రబాబు దత్తపుత్రునితో తిట్టిస్తున్నాడన్నారు. ప్యాకేజ్ తీసుకుని పవన్ బూతులు తిడుతున్నాడన్నారు. ముఖ్యమంత్రిని తిడితే మేం ఊరుకుంటామా అని అన్నారు. జయంతికి, వర్ధంతికి తేడా తెలియని లోకేష్ జగన్ ను విమర్శిస్తున్నారన్నారు. ఎమ్మెల్యేగా గెలవలేని చేతకాని వ్యక్తి లోకేష్ అని కొడాలి నాని అన్నారు. లోకేష్ గురించి తెలిసే చంద్రబాబు పవన్ ను ప్రోత్సహిస్తున్నారన్నారు.
రాజధాని పేరుతో చంద్రబాబు డ్రామాలాడారన్నారు. తిరుమలలో అమిత్ షాపై చెప్పులు వేయించిన వ్యక్తి చంద్రబాబు అన్నారు. మద్యాన్ని ఏరులై పారించిన వ్యక్తి చంద్రబాబు అన్నారు. ఇసుకమీద ప్రభుత్వానికి ఏడాదికి రూ.750కోట్ల ఆదాయం వస్తుందన్నారు. బెల్ట్ షాపులను రద్దు చేసిన ఘనత జగన్ ది అని కొడాలి నాని అన్నారు. కావాలని భూతులు తిడుతూ రచ్చ చేస్తున్నారన్నారు. అన్ని ప్రాంతాల డెవలప్మెంట్ కోసమే వికేంద్రీకరణ నిర్ణయమని కొడాలి నాని అన్నారు.