వరంగల్ జిల్లా ఖానాపూరం మండలం రాగంపేట గ్రామానికి చెందిన భూక్యా సాయికుమార్ అనే యువకుడు నిన్న చింతలపల్లీ రైల్వే గేట్ సమీపంలో గూడ్స్ రైలు కింద పడి ఆత్మహత్య చేసుకున్న విషయం విదితమే. అయితే ఆ యువకుడు మృతి చెందడానికి ప్రధాన కారణం నర్సంపేట పట్టణ కేంద్రంలో ఉన్న ఓ ప్రైవేట్ కళాశాల పరీక్ష కేంద్రంలో జరిగిన దాడే అని యువకుని కుటుంబ సభ్యులు ఆరోపిస్తున్నారు.
వారు తెలిపిన వివరాల ప్రకారం.. నిన్న యువకుడు డిగ్రీ పరీక్షలు రాసేందుకు వెళ్లగా.. పరీక్ష కేంద్రంలో ఇన్విజిలేటర్ అవమానించి ఒకింత దాడి చేసినట్లు తెలిపారు. ఈ సంఘటనను తట్టుకోలేక యువకుడు ఆత్మహత్య చేసుకున్నట్లు వారు ఆరోపిస్తున్నారు. బాధిత కుటుంబానికి న్యాయం చేయాలని యువకుని మృతదేహంతో బాలాజీ మహిళా డిగ్రీ పీజీ కళాశాల ఎదుట కుటుంబ సభ్యులు నిరసన తెలుపుతున్నారు. కాలేజ్ గుర్తింపును రద్దు చేయాలని డిమాండ్ చేస్తున్నారు.