వివిద పథకాల లబ్దిదారులకు స్పీకర్ పోచారం చెక్కుల పంపిణీ

కోటగిరి మార్చ్ 16(ప్రభ న్యూస్): మండల కేంద్రంలోని మార్కెట్ కమిటీ కార్యాలయ ఆవరణలో ఏర్పాటు చేసిన చెక్కుల పంపిణీ కార్యక్రమానికి ముఖ్య అతిథిగా స్పీకర్ పోచారం శ్రీనివాస్ రెడ్డి గురువారం రోజున హాజరై యారు ఈ సందర్భంగా ఆయన మాట్లాడుతూ…..భారతదేశంలో ఏ ముఖ్యమంత్రి ఏ ఒక్క నియోజక వర్గానికి మంజూరు చేయని,11 వేల డబుల్ బెడ్రూం ఇళ్లను సీఎం కేసీఆర్ బాన్సువాడ నియోజకవర్గానికి మంజూరు చేశారని తెలంగాణ రాష్ట్ర శాసనసభాపతి పోచారం శ్రీనివాస్ రెడ్డి తెలిపారు.ఉమ్మడి కోటగిరి, పోతంగల్ మండలంలోని 13 గ్రామాలకు చెందిన టు బి హెచ్ ఇండ్ల లబ్ధిదారులకు స్పీకర్ చేతుల మీదుగా సుమారు రూ”లు 4.5 కోట్ల బిల్లులను ఆన్లైన్,నగదు, చెక్కుల రూపంలో పంపిణీ చేశారు.

యాసంగి వరి కొనుగోలు కేంద్రాలను స్థానిక ప్రజా ప్రతినిధులు సిద్ధం చేయాలని వారికి సూచించారు. మద్నూర్ నుండి వయా పోతంగల్,కోటగిరి,రుద్రూర్ బోధన్ వరకు నేషనల్ హైవే మంజూరు కావడం త్వర లో ఈ హైవే పనులు కూడా ప్రారంభించుకోవడం జరుగుతుందన్నారు.అనంతరం ఉమ్మడి కోటగిరి మండలంలోని ఆయా గ్రామాలకు చెందిన గ్రామ సమన్వయ కమిటీ సభ్యులతో స్పీకర్ ప్రత్యేక సమావేశం నిర్వహించి ఇప్పటివరకు మండలానికి మంజూరైన నిధులపై జరుగుతున్న అభివృద్ధి పనుల విషయాలు,త్వరలో ప్రారంభమయ్యే సింగల్ బెడ్రూం పథకం,జీప్లస్ టు ఇండ్ల నిర్మాణం గూర్చి కమిటీ సభ్యుతో చర్చించారు.