ప్రభుత్వ పాఠశాలలోనే గుణాత్మకమైన విద్య : మంత్రి జగదీష్ రెడ్డి

యాదాద్రి : ప్రభుత్వ పాఠశాలలోనే గుణాత్మకమైన విద్యను భోధిస్తారని విద్యుత్ శాఖ మంత్రి గుంటకండ్ల జగదీష్ రెడ్డి అన్నారు. సోమవారం భువనగిరి మండలం తుక్కాపురం ప్రాథమిక, ఉన్నత పాఠశాలలో మన ఊరు – మన బడి కార్యక్రమంలో భాగంగా మౌలిక వసతుల పనులకు శంకుస్థాపన చేశారు. ఈ సంద‌ర్బంగా సీఎం కేసీఆర్ ప్రభుత్వ పాఠశాలలో ఆంగ్ల బోధన ప్రవేశ పెట్టి, ప్రైవేటు పాఠశాలలకు ధీటుగా ప్రభుత్వ పాఠశాలలను బలోపేతం చేస్తున్నారని చెప్పారు. ఈ సమావేశంలో ఎమ్మెల్యే ఫైళ్ల శేఖర్ రెడ్డి, జిల్లా పరిషత్ చైర్మన్ ఎలిమినేటి సందీప్ రెడ్డి, కలెక్టర్ పమేలా సత్పతి, ఎమ్మెల్సీ ఎలిమినేటి కృష్ణారెడ్డి, అడిషనల్ కలెక్టర్ దీపక్ తివారి, జిల్లా పరిషత్ ముఖ్య కార్య నిర్వహణాధికారి కృష్ణా రెడ్డి, తదితరులు పాల్గొన్నారు.