బిల్డింగ్ పై నుంచి దూకి ఓ విద్యార్థినీ ఆత్మహత్య చేసుకున్న ఘ‌ట‌న మేడ్చ‌ల్ జిల్లాలో చోటుచేసుకుంది. జవహర్ నగర్ మున్సిపాలిటీ కార్మిక నగర్ కు చెందిన చిత్రశివాని.. కాప్రా సర్కిల్ సాయినగర్ లో డబుల్ బెడ్ రూం ఇంటిపై నుంచి దూకి సూసైడ్ చేసుకుంది.
జవహర్నగర్ పరిధిలోని కార్మిక నగర్కు చెందిన గంగారపు మనోహర్ కుమార్తె చిత్ర శివాని(18). ఓ కళాశాలలో డిగ్రీ మొదటి సంవత్సరం చదువుతోంది. రోజులానే కళాశాలకు వెళ్లిన విద్యార్థిని కాప్రా సాయినగర్లోని రెండు పడకల భవనంపైకి ఎక్కి ఆత్మహత్యకు పాల్పడింది. గమనించిన స్థానికులు పోలీసులకు సమాచారం అందించారు.
స్థానికులు అందించిన సమాచారం మేరకు ఘటనా స్థలానికి చేరుకున్న పోలీసులు 108 అంబులెన్స్ను పిలిపించారు. అయితే విద్యార్థిని అప్పటికే మృతిచెందినట్లుగా వారు గుర్తించారు. ఈ ఘటనపై పోలీసులు దర్యాప్తు చేపట్టారు. చిత్ర శివాని ఎందుకు ఆత్మహత్యకు పాల్పడింది అనే కోణంలో పోలీసులు దర్యాప్తు చేస్తున్నారు. విద్యార్థిని మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు. ఈ ఘటనతో స్థానికంగా విషాద ఛాయలు అలముకున్నాయి.