Thursday, February 22, 2024

Siddipet | పునరావాస కాలనీల సమస్యల పరిష్కారానికి కృషి: కలెక్టర్ ప్రశాంత్

సిద్దిపేట బ్యూరో, ప్రభ న్యూస్: మల్లన్నసాగర్ పునరావాస కాలనీలలో ఏమైనా సమస్యలుంటే తన దృష్టికి తీసుకురావాలని సిద్దిపేట కలెక్టర్ ప్రశాంత్ జె పాటిల్ అన్నారు. మంగళవారం కలెక్టర్ కార్యాలయంలో మల్లన్నసాగర్ ముంపు గ్రామాలైన ఎర్రవల్లి, సింగారం, ఏటిగడ్డ కిష్టాపూర్, రాంపూర్, బ్రాహ్మణ బంజరుపల్లి, లక్ష్మాపూర్, పల్లెపహాడ్ మరియు వేములఘాట్ గ్రామాల సర్పంచులు.. సంబంధిత అధికారులతో సమావేశం నిర్వహించారు. ఆయా గ్రామాల బాధితులకు పునరావాస కాలనీలలో ఏర్పాటుచేసిన సౌకర్యాలపై చర్చించారు.

ఈ సందర్భంగా జిల్లా కలెక్టర్ ప్రశాంత్ పాటిల్ మాట్లాడుతూ మల్లన్న సాగర్ పునరావాసంలో భాగంగా పునరావాస కాలనీలలో కేటాయించిన ప్లాట్ల రిజిస్ట్రేషన్ రిజిస్ట్రేషన్ ప్రక్రియ దాదాపు పూర్తిగా వచ్చిందని ఎవరికైనా రిజిస్ట్రేషన్ పూర్తిగా కాకపోతే త్వరలో పూర్తి చేస్తామని తెలిపారు. అదేవిధంగా కొన్ని రాష్ట్ర కాలనీలో సీపీ రోడ్లు, విద్యుత్, త్రాగునీరు తదితర సౌకర్యాలను కల్పించామని ఏ పునరావాస కాలనీలోనైనా ఎలాంటి చిన్న చిన్న సమస్యలను తమ దృష్టికి తీసుకువస్తే సంబంధిత శాఖల ద్వారా వెంటనే సౌకర్యాలు కల్పిస్తామని తెలిపారు. కార్యక్రమంలో జిల్లా అదనపు కలెక్టర్ (రెవెన్యూ) శ్రీనివాస్ రెడ్డి, సిద్దిపేట, గజ్వేల్ ఆర్డీవోలు రమేష్, బన్సీలాల్, విద్యుత్ శాఖ, ఆర్ డబ్ల్యూ ఎస్, సంబంధిత ఇంజనీరింగ్ శాఖల అధికారులు తదితరులు పాల్గొన్నారు.

Advertisement

తాజా వార్తలు

Advertisement