Thursday, December 1, 2022

కదులుతున్న రైలు ఎక్కేందుకు జవాన్‌ యత్నం, నెట్టేసిన టీటీఈ.. రెండు కాళ్లు కట్‌

ఉత్తర్‌ప్రదేశ్‌ బరేలీలో అమానుష ఘటన చోటుచేసుకుంది. దిబ్రూగఢ్‌ నుంచి ఢిల్లి వెళ్తున్న రాజధాని ఎక్స్‌ప్రెస్‌ రైలును ఓ జవాన్‌ ఎక్కుతుండగా టీటీఈ తోసేశాడు. దీంతో జవాన్‌ అదుపుతప్పి రైలు కింద పడిపోయాడు. ఈ ఘటనలో సైనికుడి రెండు కాళ్లు తెగిపోయాయి. అప్రమత్తమైన ప్రయాణికులు చైన్‌ లాగి రైలును ఆపేశారు. క్షతగాత్రుడిని హుటాహుటిన ఆస్పత్రికి తరలించారు. ఘటనకు కారకుడైన టీటీఈపై చర్యలు తీసుకోవాలని సైనికులు, ప్రయాణికులు రైల్వేస్టేషన్‌లో ఆందోళనకు దిగారు.

- Advertisement -
   

విషయం తెలుసుకున్న సివిల్‌ పోలీసులు రైల్వే స్టేషన్‌కు చేరుకుని ఆందోళనకారులను అదుపుచేసి రైలును పంపించారు. ఈ తరుణంలోనే టీటీఈ అక్కడి నుంచి ఉడాయించారు. పోలీసులు ఘటనపై కేసు నమోదు చేసుకుని దర్యాప్తు చేస్తున్నారు. పరారీలో ఉన్న నిందితుడు టీటీఈ కోసం గాలిస్తున్నారు.

Advertisement

తాజా వార్తలు

Advertisement