Saturday, June 22, 2024

అన్నమయ్య కీర్తనలు : ఆణికాడవట

రాగం : దుర్గా

ఆణికాడవట యంతటికి
జాణవు తెలియము సరిగొనవయ్యా || ||ఆణికాడవట||

ముంగిట చెమటల ముత్యపు పూసలు
అంగన లోలో నమ్మీనదె
ఇంగితంపు వెలలెరుగుదు వటవో
అంగడి బేహారి యవి గొనవయ్యా || ||ఆణికాడవట||

మొల్లమి మాచెలి మోవి మాణికము
అల్ల వెలకు మీ కమ్మీనదే
తొల్లినీవు సూదులవాట్లచే
కొల్ల లాడితట కొనవయ్యా || ||ఆణికాడవట||

నిడుదల చూపుల నీలంబులు నీ –
వడిగినంతకే యమ్మీనదే
పడతిదె శ్రీవేంకటపతి నీ విదె
యెడయని కాగిట నిటుగొనవయ్యా || ||ఆణికాడవట||

Advertisement

తాజా వార్తలు

Advertisement