ఏపీలో రియల్ హీరో సోనూసూద్‌కు పాలాభిషేకాలు

కరోనా కష్టకాలంలో నటుడు సోనూసూద్ ఎంతో మందికి సాయం అందిస్తున్నారు. ప్రస్తుతం ఆయన ఏపీలోని కర్నూలు, నెల్లూరు జిల్లాల్లో ఆక్సిజన్ ప్లాంట్ల ఏర్పాటుకు సిద్ధం చేస్తున్నారు. తమ జిల్లాలకు ఆక్సిజన్ ప్లాంట్‌ను ఇస్తున్నందుకు ఆ జిల్లాల్లోని ప్రజలు సోనూసూద్ ఫొటోకు పాలాభిషేకం చేశారు. సోనూసూద్‌ను ఆదర్శంగా తీసుకుని అందరూ తమవంతు సాయం చేయాలని కర్నూలు, నెల్లూరు జిల్లాల ప్రజలు కోరుతున్నారు. కాగా సోనూసూద్ ఈ ఆక్సిజన్ ప్లాంట్లను దేశంలోని మరికొన్ని రాష్ట్రాలకు కూడా ఇవ్వనున్నారు.