ఆంధ్ర‌ప్ర‌భ క‌థ‌నానికి స్పంద‌న‌.. నేటి నుంచి ఒంట‌పూట బ‌డులు

వరంగల్ జిల్లా నర్సంపేట పట్టణ కేంద్రంలో నడుస్తున్న పలు ప్రైవేట్ పాఠశాలలో ప్రభుత్వం జారీ చేసిన ఒక్క పూట బడుల నిర్వహణ నిబంధన నియమాలు పాటించడం లేదు. దీంతో ఈ విషయాన్ని నేడు ఒక్క పూట బడి ఉత్తర్వులు ప్రైవేట్ పాఠశాలలకు వర్థించవా అనే శీర్షికన ప్రచురించగా ప్రైవేట్ పాఠశాల యాజమాన్యాలు స్పందిస్తున్నాయి. పట్టణ కేంద్రానికి చెందిన ప్రముఖ విద్యా సంస్థ గీతాంజలి డిజి స్కూల్ యాజమాన్యం తమ సంస్థలో చదివే తల్లిదండ్రులకు ఈ రోజు నుండి ఒక్క పూట బడులు నిర్వహిస్తున్నట్లు మధ్యాహ్నం 12:30 గంటలకు వచ్చి పిల్లలను తీసుకెళ్లాలి అని సంక్షిప్త సందేశాలు పంపుతున్నట్లు సమాచారం. అంతే కాకుండా విద్యాశాఖ ఆదేశాలు సైతం పాటిస్తామని పేర్కొన్నారు.