వడ్ల లారీ బోల్తా.. తృటిలో తప్పిన పెను ప్రమాదం

దోమకొండ (ప్రభ న్యూస్) : కామారెడ్డి​ జిల్లాలో ప్రమాదం జరిగింది. 540 వడ్ల బస్తాలతో వెళ్తున్న లారీ బోల్తాపడింది. దోమకొండ కొనుగోలు కేంద్రంనుండి శ్రీసాయి మణికంఠ రైస్ మిల్ కు తరలిస్తున్న క్రమంలో ఈ యాక్సిడెంట్​ జరిగింది. జనగామ మర్రి వద్దనుండి మార్గమధ్యంలో రోడ్డు విస్తరణ పనులు జరుగుతున్నాయి.. ఈ క్రమంలో వంతెన నిర్మాణం ప్రాంతంలో వడ్ల లారీ బోల్తా పడింది. సంబంధిత లారీ రైస్ మిల్ యాజమాన్యం ఘటనా స్థలానికి వచ్చి పరిశీలించారు. కాగా, లారీలోని డ్రైవర్ క్లీనర్ లకు ఎలాంటి హాని జరగలేదని తృటిలో ప్రమాదం తప్పిందని వారు తెలియజేశారు.