సిద్దిపేట జిల్లాలో పులి సంచారం.. లేగదూడపై దాడి..

తెలంగాణ రాష్ట్రంలోని సిద్దిపేట జిల్లాలో పులి సంచారం కలకలం రేపుతుంది.దుబ్బాకలోని మల్లాయిపల్లిలో పులి కనిపించిందని స్థానికులు తెలిపారు. ఈ క్రమంలోనే లేగ దూడపై దాడికి పాల్పడినట్లు తెలుస్తోంది. దీంతో స్థానిక ప్రజలు తీవ్రభయాందోళనకు గురవుతున్నారు. అప్రమత్తమైన అటవీశాఖ అధికారులు పులి పాదముద్రలను గుర్తించే పనిలో పడ్డారు. పెద్దపులి సంచరిస్తూ.. లేగదూడపై దాడి చేయడంతో ప్రజలు అప్రమత్తంగా ఉండాలని సూచించారు.