సీఎం కేసీఆర్ మరోమారు నాగార్జున సాగర్ నియోజకవర్గంలో పర్యటించనున్నారు. ఉప ఎన్నికల సమయంలో నాగార్జునసాగర్‌ నియోజకవర్గంలో మిగిలి ఉన్న అభివృద్ధి అంశాలను నెరవేరుస్తామని సీఎం కేసీఆర్ హామీ ఇచ్చారు. ఈ మేరకు సమస్యలపై చర్చించి, తగిన నిర్ణయాలు తీసుకుని, అక్కడికక్కడే ఆదేశాలు ఇచ్చేందుకు సీఎం కేసీఆర్ వస్తున్నట్లు జిల్లా మంత్రి జగదీశ్‌రెడ్డి చెప్పారు. ఆగస్టు 2న ఆయన నాగార్జునసాగర్‌లో పర్యటించనున్నారు. ఈ మేరకు షెడ్యూల్ ఖరారైనట్టు తెలుస్తోంది. ముఖ్యమంత్రి పర్యటన నేపథ్యంలో హాలియా పట్టణంలో ఏర్పాట్లను ఎమ్మెల్యే నోముల భగత్‌, కలెక్టర్‌ ప్రశాంత్‌ జీవన్‌ పాటిల్‌, ఎస్పీ రంగనాథ్‌తో కలిసి పరిశీలించారు.
ఇది కూడా చదవండి: జగన్ అక్రమాస్తుల కేసు..విచారణకు సిద్దంగా ఉండాలన్న సీబీఐ కోర్టు