హైద‌రాబాద్ – రాష్ట్ర బడ్జెట్‌ ఆమోదానికి ఆదివారం ఉదయం జరిగే కేబినెట్‌ భేటీ ముగిసిన అనంతరం బేగంపేట విమానాశ్రయం నుంచిప్రత్యేక విమానంలో నాందేడ్ చేరుకోనున్నారు సీఎం కేసీఆర్ . తొలుత గురుద్వారాను సందర్శించుకొని అనంతరం నాందేడ్ లో నిర్వ‌హిస్తున్న బిఆర్ఎస్ పార్టీ చేరికల సభకు హాజ రవుతారు. మధ్యాహ్నం సభలో కేసీఆర్ ప్రసంగించనున్నారు.
ఈ సభలో సీఎం సమక్షంలో మహారాష్ట్ర వాసులు భారీ ఎత్తున బీఆర్‌ఎస్‌లో చేరనున్నారని పార్టీ వర్గాలు తెలిపాయి. బీఆర్‌ఎస్‌ సభ అక్కడి గురుద్వార సచ్‌ఖండ్‌ బోర్డు మైదానంలో జరగనుంది. గురుద్వార పరిసరాల్లో ఉన్న ఈ మైదానంలో సభకు కావాల్సిన అన్ని ఏర్పాట్లు పూర్తిచేసి నట్లు ప్రభుత్వ విప్‌, చెన్నూర్‌ ఎమ్మెల్యే బాల్క సుమన్‌ ట్విట్టర్‌లో తెలిపారు. సభ విజయవంతం చేసేందుకు ఎంపీ బీబీపాటిల్‌, ఇతర సీనియర్‌ నేతలతో కలిసి సన్నాహక సమావేశాలు నిర్వహిస్తున్నట్లు తెలిపారు.