– నాగరాజు చంద్రగిరి, ఆంధ్రప్రభ
అంతరిక్షంలో డెస్టినేషన్ వెడ్డింగ్ ఎలా ఉంటుంది? ఈ విషయం ఆలోచించాలంటేనే అంతుపట్టడం లేదు కదా.. అయితే.. ఇది కొంతమంది సంపన్నులకు అందుబాటులోకి త్వరలోనే సాధ్యం కాబోతోంది. వచ్చే ఏడాది నిర్వహించే డెస్టినేషన్ వెడ్డింగ్ కోసం ఇప్పటి నుంచే బుకింగ్స్ కూడా స్టార్ట్ అయ్యాయి. ఇందులో ఇప్పటికే దాదాపు వెయ్యి మందికి పైగానే స్లాట్ బుక్ చేసుకున్నారు. కాగా, ఈ డెస్టినేషన్ వెడ్డింగ్‌తో అనుభూతులను నెక్ట్స్ లెవల్కి తీసుకెళ్లవచ్చు అంటున్నారు ఆ సంస్థ ప్రతినిధులు.
మీ ప్రియమైన వారిని అంతరిక్షంలోకి తీసుకెళ్లడం ద్వారా వారిని ఆశ్చర్యపరచవచ్చని చెబుతున్నారు. ఈ వేడుక నమ్మశక్యం కాకుండా ఉంటుందని, ఎంతో మధురానుభూతిని అందిస్తుందని చెబుతున్నారు. భూమి నుంచి కోటి అడుగుల ఎత్తులో.. ప్రాపంచిక సమస్యల నుండి తప్పించుకునే అవకాశాన్ని కూడా అందిస్తుందని గొప్పగా చెబుతున్నారు. కాగా, ఇక్కడ దీన్ని నిర్వహించేందుకు తాము రెడీగా ఉన్నామని, ఈ మహోత్సవం కోసం ఒక్కొక్కరికి భారత కరెన్సీలో ఒక కోటి రూపాయలు మాత్రమే చెల్లించాలని ఆ సంస్థ తెలియజేస్తోంది.
స్పేస్ పెర్స్పెక్టివ్ అనేది ఈ ప్రత్యేకమైన ఏర్పాటును ప్రకటించిన సంస్థ. ఇది పెళ్లి చేసుకోబోయే జంటలను కార్బన్-న్యూట్రల్ బెలూన్‌లో కక్ష్యలోకి పంపడం ద్వారా వారికి ఈ అద్భుతమైన అవకాశాన్ని కల్పించనుంది. ఇది భూమికి సంబంధించిన వ్యూని అత్యంత ఎత్తు నుంచి చూడ్డానికి వీలు కల్పించనుంది. చుట్టూ గ్లాస్ విండోస్తో ఈ క్యాప్సూల్ ఏర్పాటు చేయనున్నారు. ఆ కంపెనీ తెలిపిన వివరాల ప్రకారం.. ఇది 6 గంటల స్పేస్‌షిప్ నెప్ట్యూన్ ఫ్లైట్గా ఉండబోతోంది. దీనిలో జర్నీ చేసేవారిని భూమి నుండి దాదాపు 1,00,000 అడుగుల ఎత్తుకు తీసుకెళ్లనున్నారు. ఆ తర్వాత వారిని తిరిగి సురక్షితంగా భూమికి తీసుకొస్తారు.
2024లో ఈ కార్యక్రమాన్ని ప్రారంభించాలని ఈ సంస్థ ఆలోచన చేస్తోంది. ఇప్పటికే 1,000 టిక్కెట్లను విక్రయించినట్లు ఆ సంస్థ ప్రతినిధులు తెలిపారు. కంపెనీ యొక్క SpaceBalloon విభాగం అంతరిక్ష నౌక నెప్ట్యూన్‌ను కక్ష్యలోకి ప్రవేశపెడుతుందని తెలిపారు. ఇది రాకెట్లను ఉపయోగించకుండా పునరుత్పాదక హైడ్రోజన్ ద్వారా ముందుకు సాగుతుంది. ఆ సంస్థ అధికారిక వెబ్‌సైట్లో తెలిపిన ప్రకారం.. ఈ విమానంలో వెళ్లే వారు పూర్తిగా ఆనందించగలరు. వారు కాక్‌టెయిల్‌ని ఎంజాయ్ చేయొచ్చు. తోటి ప్రయాణికులతో చిట్ చాట్ చేయొచ్చు. క్యాప్సూల్‌లో పూర్తి-సన్నద్ధమైన రెస్ట్ రూమ్ కూడా ఉంటుందని వెబ్‌సైట్లో తెలిపారు. అంతేకాకుండా వారి బంధుఏవులు, స్నేహితులు, కుటుంబ సభ్యులతో వీడియో కాల్ చేసుకోవడానికి అత్యధిక వేగంగల Wi-Fi కనెక్షన్ కూడా ఉంటుందని వెల్లడించారు.
బుకింగ్ కోసం ఇక్కడ క్లిక్ చేయండి..