– ఇంటర్నెట్ డెస్క్, ఆంధ్రప్రభ
వాట్సాప్ వినియోగదారులకు గుడ్ న్యూస్.. వాట్సాప్లో వాయిస్ మెసేజ్ ట్రాన్‌స్క్రిప్ట్స్ అనే కొత్త ఫీచర్‌ను అందుబాటులోకి తీసుకురానుంది. వాయిస్ నోట్‌ని వినలేని పరిస్థితిలో ఉన్న వారు.. ఈ ఫీచర్ ద్వారా కంటెంట్ని యాక్సెస్ చేయవచ్చు. వినియోగదారుని వాయిస్ సందేశాల కంటెంట్‌ను యాక్సెస్ చేయడానికి ఈ ఫీచర్ ఎంతో ఉపయోగకరంగా ఉండనుంది.
అయితే.. ఇప్పటికే కొంతమంది బీటా వర్షన్ వాడుతున్న యూజర్లకు ఇది అందుబాటులోకి వచ్చినట్టు వాట్సాప్ తెలిపింది. రాబోయే కొన్ని రోజుల్లో ఈ ఫీచర్ని అందరికీ అందుబాటులోకి తీసుకురానున్నట్టు వాట్సాప్ వెల్లడించింది. కాగా, ప్రస్తుతానికి ఈ ఫంక్షనాలిటీని ఉపయోగించడానికి యాప్‌లో iOS 23.9.0.70 అప్‌డేట్ కోసం WhatsApp బీటా వర్షన్ కావాల్సి ఉంటుంది. అయితే.. ప్రస్తుతం తక్కువ సంఖ్యలో బీటా యూజర్లకు మాత్రమే ఈ ఫీచర్ యాక్సెస్ ఇచ్చినట్టు తెలుస్తోంది.
ఇక.. వాయిస్ మెసేజ్ ట్రాన్స్ క్రిప్ట్ ఫీచర్ని ఉపయోగించ వద్దు అనుకునే యూజర్లు WhatsApp సెట్టింగ్స్ > చాట్‌> వాయిస్ మెసేజ్ ట్రాన్స్ క్రిప్ట్ అనే ఆప్షన్స్ని ఓపెన్ చేసి.. దాన్ని ఆఫ్ చేయవచ్చు. కొన్ని API పరిమితుల కారణంగా, ఈ ఫీచర్ ఆపిల్ ఫోన్లలో వాడే iOS 16తో మాత్రమే అందుబాటులోకి తీసుకొచ్చినట్టు వాట్సాప్ తెలిపింది. ఆపరేటింగ్ సిస్టమ్ యొక్క పాత వెర్షన్‌లతో ఈ ఆప్షన్ పనిచేయదు. ఎందుకంటే ఇది వాయిస్ మెస్సేజెస్ని రిమోట్ సర్వర్‌లకు పంపకుండా యూజర్ల ఫోన్లో స్థానికంగా ప్రాసెస్ చేయడానికి మాత్రమే పర్మిషన్ ఉంటుంది.
