సినీ ప‌రిశ్ర‌మ‌లో 12ఏళ్ల ప్ర‌యాణం – స‌మంత ట్వీట్

నేటితో హీరోయిన్ స‌మంత సినీ ప‌రిశ్ర‌మ‌లోకి అడుగుపెట్టి 12ఏళ్ళు పూర్త‌యింది. ఈ నేప‌థ్యంలో ఓ ఎమోష‌న‌ల్ పోస్ట్ ని ట్విట్ట‌ర్ లో పోస్ట్ చేసింది. ఈ రోజుతో చిత్ర పరిశ్రమలో నేను అడుగు పెట్టి 12 సంవత్సరాలు. లైట్లు, కెమెరా, యాక్షన్ , సాటిలేని క్షణాల చుట్టూ తిరిగే 12 సంవత్సరాల జ్ఞాపకాలు. ఈ ఆశీర్వాద ప్రయాణం మరియు ప్రపంచంలోని అత్యుత్తమ, అత్యంత నమ్మకమైన అభిమానులను కలిగి ఉన్నందుకు నేను కృతజ్ఞతతో నిండి ఉన్నాను” అంటూ ట్వీట్ చేసింది సమంత. అందాల ముద్దుగుమ్మ సమంత ‘ఏం మాయ చేసావే’ సినిమాతో టాలీవుడ్ ప్రేక్షకులను పలకరించింది. ఈ సినిమా మంచి విజయం సాధించడంతో ఈ ముద్దుగుమ్మకు టాలీవుడ్ ఇండస్ట్రీలో విపరీతమైన క్రేజ్ రావడం మాత్రమే కాకుండా స్టార్ హీరోల సరసన నటించే అవకాశం కూడా దక్కింది. అలా స్టార్ హీరోల సరసన నటించిన సమంత అతి తక్కువ కాలంలోనే టాలీవుడ్ టాప్ హీరోయిన్ ల సరసన చేరిపోయింది. సమంత టాప్ హీరోయిన్ గా కొనసాగుతున్న సమయంలోనే అక్కినేని నాగ చైతన్య ను ప్రేమించి పెళ్ళాడింది. వీరిద్దరికీ కొంతకాలం క్రితమే విడాకులు అయ్యాయి. సమంత విడాకుల తర్వాత తన సినిమాల స్పీడ్ ను మరింతగా పెంచింది.