షాక్ కు గుర‌య్యేలా …. రేకుల ఇంటికి రూ.7.2ల‌క్ష‌ల క‌రెంట్ బిల్లు

అప్పుడప్పుడు పూరి గుడిసెల్లో ఉంటున్న‌ వారికి కూడా క‌రెంట్ బిల్లు వేల రూపాయల్లో వ‌స్తుండ‌డం మ‌నం చూస్తుంటాం… అయితే తాజాగా మరొకటి భద్రాద్రి కొత్తగూడెం జిల్లాలో చోటుచేసుకుంది. ఓ ఫ్యాన్, టీవీ ఉన్న రేకుల ఇంటికి ఏకంగా రూ. 7.2 లక్షల కరెంట్ బిల్లు వచ్చింది. లక్ష్మీదేవిపల్లి హమాలీ కాలనీకి చెందిన మాడిశెట్టి సంపత్ కుటుంబం గత నెలలో 117 యూనిట్ల విద్యుత్ ను వినియోగించింది. దీనికి గాను 7 లక్షలకు పైగా కరెంట్ బిల్లు వచ్చింది. దీంతో వాళ్లు షాక్ కు గురయ్యారు. లక్షల్లో బిల్లు రావడమేంటని బిల్లు కలెక్టర్ ను అడిగినా సమాధానం ఇవ్వలేదని సంపత్ వాపోయాడు. తమకు సగటున రూ. 400 వరకు కరెంట్ బిల్లు వచ్చేదని చెప్పాడు.