మునుగోడు ఉప ఎన్నిక ఫలితం ఏ పార్టీని వరిస్తుందనే విషయంలో యావత్ తెలంగాణ ప్రజలు ఆసక్తిగా ఎదురుచూస్తున్నారు. అయితే కొన్ని సర్వే సంస్థలు పోస్ట్ పోల్ సర్వేలను ప్రకటించాయి. గ్రామాల వారీగా నిర్వహించిన తమ సర్వేలో ఏ పార్టీ ఆధిక్యంలో ఉండబోతోంది అన్న వివరాలను ఆరా (AARAA) సర్వే సంస్థ ఇవ్వాల (శుక్రవారం) వెల్లడించింది. ఈ సర్వే సంస్థ వెల్లడించిన వివరాల ప్రకారం.. మునుగోడు ఉప ఎన్నికలో టీఆర్ఎస్ పార్టీ అత్యధిక మెజార్టీతో విజయం సాధించనున్నట్టు స్పష్టమవుతోంది. ఎందుకంటే కులాల వారీగా, వయస్సుల వారీగా, జెండర్ వారీగా ఈ సంస్థ తన రిపోర్టుని తయారు చేసింది.
ఇక.. జెండర్ వైజ్గా చేపట్టిన సర్వేలో టీఆర్ఎస్ పార్టీకి 49.13శాతం మంది మగాళ్లు, 58.13శాతం మంది ఆడాళ్లు ఓటేసినట్టు తేలింది. బీజేపీకి 34.33శాతం మగాళ్లు, 29.12శాతం ఆడాళ్లు ఓటేసినట్టు సర్వేలో వెల్లడించారు. వయస్సుల వారీగా పరిశీలించినా 40.79శాతం నుంచి 64.46 శాతం వరకు వివిధ వయస్సుల వారు టీఆర్ఎస్ వైపే మొగ్గుచూపినట్టు తెలుస్తోంది. బీజేపీకి 26శాతం మంది మాత్రమే మొగ్గు చూపినట్టు సర్వేలో తెలిపారు.
కులాల వారీగా పరిశీలించినా.. గౌడ (48.48), మాదిగ (51.33), యాదవ (49.15), ముదిరాజ్ (50.20), పద్మశాలి (45.05), రెడ్డి (47.68), రజక (45.47), ముస్లిం (76.47), కుమ్మరి (54.47), మాల (56.12), వైశ్య (51.85), లంబాడ (50.00), ఇతరులు (50.29)శాతంగా ఓట్లేసినట్టు సర్వేలో తెలింది. ఈ సర్వేకు సంబంధించిన మరిన్ని వివరాలు చూడొచ్చు..