కొన్ని బంధాలు ప్రత్యేకమైనవి.. (సమ్ బాండ్స్ ఆర్ సో స్పెషల్) అంటూ టీఆర్ఎస్ వర్కింగ్ ప్రెసిడెంట్, మంత్రి కేటీఆర్ ట్విట్టర్లో ఓ ఫోటోని షేర్ చేశారు. ఇప్పుడా ట్వీట్లోని ఫొటోలను చూసి చాలామంది లైకులు కొడుతూ.. హ్యాపీగా కామెంట్స్ చేస్తున్నారు. ఇంతకీ ఆ ఫొటోలేంటీ, ఆ బంధం ఏమిటనే డౌటోస్తుంది కదా.. ఇవ్వాల (శుక్రవారం) ఏం రోజో తెలుసు కదా..? అవును మీరనుకున్నది కరెక్టే! రాఖీ పండుగ.. అన్నా చెల్లెళ్ల అనుబంధాన్ని గుర్తు చేసుకుంటూ స్వీట్లు పంచుకునే ఓ స్పెషల్ డే..
అయితే.. ఇవ్వాల కేటీఆర్ ట్వీట్ చేసిన ఫొటోలో తన చిన్నప్పటి ఫొటో, తనతో పాటు తన చెల్లెలు ప్రస్తుత ఎమ్మెల్సీ అయిన కల్వకుంట్ల కవిత ఉన్నారు. ఇక మరో ఫొటోలో కేటీఆర్ కుమారుడు హిమాన్షురావుతో పాటు కేటీఆర్ కూతురు (హిమాన్షు చెల్లెలు) ఉన్న ఫొటో పక్కపక్కనే పెట్టి ట్వీట్ చేశారు కేటీఆర్. దీంతో ఈ ఫొటోని చూసిన వారంతా సంతోషపడుతూ హ్యాపీ మూమెంట్పై బెస్ట్ కామెంట్స్, కాంప్లిమెంట్స్ ఇస్తున్నారు.