తమిళనాడులో దారుణం.. అమరావతి నదిలో ఆరుగురు విద్యార్థుల గల్లంతు..

తమిళనాడులోని తిరుపూర్ జిల్లా ధరాపురంలో నదిలో ఆరుగురు విద్యార్థులు మునిగిపోయారు. అమరావతి నదిలో ఈతకు వెళ్లిన ఎనిమిది మందిలో ఆరుగురు యువకులు గల్లంతయ్యారు. మృతుల్లో ఐదుగురు పాఠశాల విద్యార్థులు కాగా, ఆరో వ్యక్తి కళాశాల విద్యార్థి. అధికారులు తెలిపిన వివరాల ప్రకారం..

ఈ విద్యార్థుల బృందం దిండిగల్ జిల్లాలోని మంపరైలోని ఓ ఆలయానికి వెళ్లింది. తిరిగి వస్తుండగా నదిలో స్నానం చేసేందుకు ఆగారు. ఎనిమిది మందిలో ఆరుగురు యువకులు నీటిలో మునిగి మరణించగా మరో ఇద్దరిని స్థానికులు, అగ్నిమాపక, రెస్క్యూ సర్వీస్ సిబ్బంది రక్షించారు. మృతులను మోహన్, రంజిత్, శ్రీధర్, చక్రవర్మణి, అమీర్, యువన్‌ గా గుర్తించారు. ప్రాణాలతో బయటపడ్డ వారు ఆస్పత్రిలో చికిత్స పొందుతున్నారు.