Thursday, December 8, 2022

Sports: ఫిఫా వరల్డ్ కప్ లో సంచలనం… అర్జెంటీనాను ఓడించిన సౌదీ అరేబియా

ఖ‌తార్ లో ఫిఫా ఫుట్ బాల్ వరల్డ్ కప్ జ‌రుగుతోంది. ఈ వరల్డ్ క‌ప్‌లో ఇవ్వాల సంచ‌ల‌నాత్మ‌క రికార్డు నెల‌కొంది. నెంబర్-3 జట్టు అర్జెంటీనాను ఆసియా పసికూన సౌదీ అరేబియా (51వ ర్యాంకు) ఓడించింది. అంతేకాకుండా వరుసగా 36 మ్యాచ్ ల్లో గెలిచి వరల్డ్ కప్ లో అడుగుపెట్టిన అర్జెంటీనా జైత్రయాత్రకు ఈ మ్యాచ్ తో సౌదీ అడ్డుకట్ట వేసిన‌ట్టు అయ్యింది. తనకన్నా ఎన్నో రెట్లు బలమైన అర్జెంటీనాను సౌదీ అరేబియా 2-1 తేడాతో చిత్తుగా ఓడించింది.

- Advertisement -
   

ప్రత్యర్థి జట్టులో లయొనెల్ మెస్సీ వంటి దిగ్గజ స్ట్రయికర్ ఉన్నప్పటికీ సౌదీ ఆటగాళ్లు వెనక్కి తగ్గకుండా తమ శక్తికి మించిన ప్రదర్శన చేశారు. ఇవ్వాల జ‌రిగిన గ్రూప్-సి మ్యాచ్ లో తొలి గోల్ అర్జెంటీనానే చేసింది. మ్యాచ్ 10వ నిమిషంలో మెస్సీ చేసిన గోల్ తో అర్జెంటీనా జట్టు 1-0తో ఆధిక్యంలోకి వెళ్లింది. అయితే, 48వ నిమిషంలో సలేహ్ అల్ షెహ్రీ చేసిన గోల్ లో సౌదీ 1-1తో స్కోరు సమం చేసింది. ఆ తర్వాత మరో ఐదు నిమిషాలకే సలేమ్ అల్ దవ్సారీ చేసిన గోల్ తో సౌదీ అరేబియా ఆధిక్యంలోకి దూసుకుపోయింది. ఇక‌.. స్కోరును సమం చేసేందుకు అర్జెంటీనా ఆటగాళ్లు తీవ్రంగా యత్నించినప్పటికీ ఫలితం లేకపోయింది. అర్జెంటీనా ఫార్వర్డ్ ల దాడులను సౌదీ అరేబియా గోల్ కీపర్, డిఫెండర్లు సమర్థంగా అడ్డుకున్నారు. దీంతో మెస్సీ సేనకు భంగపాటు తప్పలేదు.

Advertisement

తాజా వార్తలు

Advertisement