కేంద్రంలోని బీజేపీ ప్రభుత్వం.. ఆ పార్టీ విధానాలు, లీడర్ల మాటల తీరు ఇప్పుడు సోషల్ మీడియాలో చర్చనీయాంశం అవుతోంది. పెట్రోల్ రేట్లనే పరిశీలనకు తీసుకుంటే.. కొవిడ్ తర్వాత కేంద్ర ప్రభుత్వం దాదాపు 43 రూపాయలను పెంచింది. ఎక్సైజ్ సెస్ రూపంలో పలు దఫాలుగా ఈ అమౌంట్ పెరిగింది. దీంతో మొన్నటిదాకా లీటర్ పెట్రోల్ 120 రూపాయలకు చేరింది. ఇక.. మొన్న కేంద్రం ఎక్సైజ్ సెస్ని 7 రూపాయలు తగ్గించుకోవడంతో పెట్రోల్ ధరలో స్వల్ప మార్పు జరిగింది. ప్రస్తుతం లీటర్ పెట్రోల్ ధర 110 రూపాయల దాకా ఉంది.
అయితే.. ఇక్కడ జనాలు వెర్రోళ్లు, ఏం తెలియదు అనుకున్న బీజేపీ లీడర్లు రాష్ట్రాలు వ్యాట్ తగ్గించుకోవాలని, పెట్రోలు ధర పెరగడానికి రాష్ట్రాలే కారణమని మాట్లాడుతున్నారు. ఒకప్పుడు అంటే వాళ్లు ఏం చెప్పినా నడిచేది.. ఇప్పుడు సోషల్ మీడియా యుగమాయే.. బీజేపీ లీడర్ల మాటల మీద ఇక నెట్టింట జనాలు తెగ ఆడేసుకుంటున్నారు. కొందరైతే బూతులతో అభిషేకం చేస్తుంటే.. ఇంకొందరు పొలైట్గా మొట్టికాయలు వేస్తున్నారు.
కొన్ని మీమ్స్ జనాలను తెగ ఆకట్టుకుంటున్నాయి. వాటిలో సమాచారంతో పాటు ఫన్నీ కూడా ఉండడంతో సోషల్ మీడియాలో వైరల్ అవుతున్నాయి..
