కరోనా కారణంగా అంద‌రూ మాస్క్ ల‌ని తప్ప‌నిస‌రిగా ధ‌రించాలనే నిబంధ‌న వ‌చ్చింది. ఈ మేర‌కు వ్యాక్సిన్ తీసుకునే వారు ఎక్కువ‌య్యారు. అయితే ఇలాంటి ప‌రిస్థితే వంద సంవ‌త్స‌రాల క్రితం జ‌రిగింద‌ట. ఫ్లూ వ్యాధి ప్ర‌పంచాన్ని అల్లాడించిందట. ఇప్పుడు వ్యాపిస్తోన్న ఒమిక్రాన్ వేరియంట్ నుండి వ‌చ్చిన త‌రంగం, 1918 ఫ్లూ మ‌హ‌మ్మారికి ద‌గ్గ‌ర పోలిక ఉంద‌ని ఒక అమెరిక‌న్ పరిశోధకుడు తెలిపాడు. అంతేకాదు శ‌తాబ్ధం క్రితం ఇప్ప‌టిలానే మాస్క్ లు పెట్టుకుని ఇంటి నుంచి బ‌య‌టికి వ‌చ్చేవార‌ట. కాగా వంద ఏళ్ళ తర్వాత సేమ్ టు సేమ్ అదే ప‌రిస్థితి నెల‌కొంద‌ని తెలిపాడు. యూఎస్ లోని ఒరెగాన్ స్టేట్ యూనివర్శిటీకి చెందిన పరిశోధకుడు క్రిస్టోఫర్ మెక్‌నైట్ నికోల్స్ ఈ పరిశీలన జరిపారు. ఒమిక్రాన్ వంటి వైరస్ 1918 లో ఫ్లూ వైరస్ లా యువకులు.. ఆరోగ్యకరమైన వ్యక్తులను మొదటిసారిగా తాకింది. ది వాషింగ్టన్ పోస్ట్‌లో ప్రచురించిన ఒక కథనంలో, ఫిబ్రవరి 1918 లో సంభవించిన ఫ్లూ మొదటి ప్రపంచ యుద్ధం అమెరికా నుంచి ప్రపంచానికి వ్యాపించడానికి కారణమైందని నికోలస్ రాశారు. ఇది కూడా గాలి ద్వారా వ్యాపించే వ్యాధి. దాని ఇన్ఫెక్షన్ ప్రపంచవ్యాప్తంగా వ్యాపించడానికి కేవలం 6 నెలలు పట్టింది. అయినప్పటికీ, ఒమిక్రాన్ లాగే , ఈ ఫ్లూ తక్కువ మరణాల రేటును కలిగి ఉంది. కొన్ని ఫ్లూ లక్షణాలు ఒమిక్రాన్ మాదిరిగానే ఉన్నాయి. అందులో ప్రజలకు జలుబు, జ్వరం వచ్చేవి. నికోలస్ ప్రకారం, అక్టోబర్ 1918 లో, ఈ ఫ్లూ ప్రమాదకరమైన రూపాంత‌రాన్ని పొందింది. దాంతో ఇది అమెరికాలో ఒక నెలలో 2 లక్షల మందిని చంపింది. 1919 నాటికి, ఫ్లూ కేసులు .. మరణాల రేటు తగ్గింది. మొత్తంగా, ప్రపంచవ్యాప్తంగా ఫ్లూ మహమ్మారి కారణంగా 50 మిలియన్ల మంది మరణించారు.
ప్రజల నిర్లక్ష్యం కారణంగా 1918 ఫ్లూ మహమ్మారి సమయంలో కూడా ప్రభుత్వాలు సినిమా థియేటర్లు, స్విమ్మింగ్ పూల్స్ .. ఇతర బహిరంగ ప్రదేశాలను మూసివేసాయి. ప్రజలు ఇంటి వెలుపల మాస్కులు ధరించడం తప్పనిసరి. మాస్కులు ధరించనందుకు ప్రజలను జైల్లో కూడా పెట్టారు. ఫ్లూ సోకినప్పుడు ఒంటరిగా ఉండడం .. సామాజిక దూరం పాటించడం కూడా అప్పట్లోనే పాటించారని వెల్ల‌డించాడాయ‌న. ఈ మేర‌కు ఆనాటి ఓ ఫొటోని పోస్ట్ చేశాడు. ఈ ఫొటోలో అంద‌రూ మాస్క్ ల‌ను ధ‌రించి ఉండ‌టం విశేషం. ఈ ఫొటో చూస్తే ఆశ్చ‌ర్య‌పోవాల్సిందే ఈనాటి ప‌రిస్థితి ఆనాడే వ‌చ్చాయి అన‌డానికి నిలువుట‌ద్దంలా ఉంది ఈ ఫొటో.ఫ్లూకి వ్యాక్సిన్‌ని తయారు చేసేందుకు 1918లో శాస్త్రవేత్తలు చాలా ప్రయత్నించారని, అయితే ఆ సమయంలో అవి విజయవంతం కాలేదని నికోలస్ చెప్పారు. అందుకే మనకు వ్యతిరేకంగా అందుబాటులో ఉన్న టీకాలు .. బూస్టర్ మోతాదులను ఉపయోగించడం చాలా ముఖ్యం. ఫ్లూ వైరస్ ఇప్పటికీ వాతావరణంలో ఉన్నట్లే, అదే విధంగా కరోనా వైరస్ ఎక్కడికీ వెళ్లదని నికోలస్ అభిప్రాయపడ్డారు. కొంతకాలం తర్వాత కరోనా కూడా మనకు ఫ్లూ లాగా సాధారణ వైరస్‌గా మారుతుందని ఆయన చెబుతున్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..