Friday, March 29, 2024

దూసుకుపోతోన్న అవ‌తార్2.. క‌లెక్ష‌న్స్ ల సునామీ

రికార్డులు సృష్టిస్తోంది అవ‌తార్2.. ఈ చిత్రం రిలీజ్ అయి 12రోజులు అవుతుంది..కాగా ఇప్ప‌టివ‌ర‌కు రూ.8,200 కోట్లు వసూలు చేసినట్టు సినిమా ట్రేడ్ అనలిస్ట్ రమేశ్ బాల అంచనా.జేమ్స్ కామెరాన్ తీర్చిదిద్దిన అపురూప గ్రాఫిక్స్ చిత్రం అవతార్ 2 అభిమానుల నుంచి మంచి ఆదరణను పొందుతోంది. ప్రపంచవ్యాప్తంగా థియేటర్లలో ఈ సినిమాని చూసేందుకు ప్రేక్షకులు ఎగబడుతున్నారు. ఈ స్థాయి వసూళ్లతో చిత్ర నిర్మాతల పంట పండిందని అనుకుంటే అది పొరపాటే అవుతుంది.

ఈ సినిమాపై తాము లాభాలు కళ్లజూడాలంటే కనీసం 2 బిలియన్ డాలర్లు రూ.16,400 కోట్లు ఆదాయం రావాలని జేమ్స్ కామెరాన్ ప్రకటించారు. అంటే లక్ష్యంలో సగమే ఈ సినిమా రాబట్టింది. అవతార్ సినిమాకు ఉన్న ప్రత్యేకత దృష్ట్యా మరో బిలియన్ డాలర్లను సులభంగానే వసూలు చేసుకుంటుందని భావించొచ్చు. బిలియన్ డాలర్లలో 300 మిలియన్ డాలర్లు ఒక్క నార్త్ అమెరికాలో వసూలు కాగా, మిగిలిన 700 మిలియన్ డాలర్లు ప్రపంచవ్యాప్తంగా వసూలైంది. మన దేశంలోనూ ఈ సినిమా రూ.300 కోట్లకు పైగా వసూళ్లు రాబట్టింది. అవతార్ సినిమా వచ్చిన 13 ఏళ్లకు అవతార్ 2ని కామెరాన్ సినీ ప్రేక్షకులకు ఆణిముత్యంగా అందించారు.

Advertisement

తాజా వార్తలు

Advertisement