పాత బ‌స్తీలో దారుణం చోటుచేసుకుంది. బాబా పేరుతో ఓ మాంత్రికుడు మ‌హిళ‌లు, యువ‌తుల‌పై అఘాయిత్యానికి పాల్ప‌డుతున్న ఘ‌ట‌న వెలుగులోకి వ‌చ్చింది. బాబా ద‌గ్గ‌రి వ‌చ్చిన వారిపై చాలా కాలంగా ఘాతుకానికి పాల్ప‌డుతున్న‌ట్టు తెలుస్తోంది. రెండు నెల‌లుగా అలా చేస్తున్నట్టు బాధితులు పోలీసుల‌కు ఫిర్యాదు చేశారు.
మంత్రాల పేరుతో ఓ బాబా.. ఇద్ద‌రు అక్కాచెల్లెళ్ల‌పై అత్యాచారానికి పాల్ప‌డ్డాడు. అనారోగ్యానికి గురైన త‌ల్లిని కాపాడుకునేందుకు ఓ ఇద్ద‌రు యువతులు.. పాత‌బ‌స్తీలోని ఓ బాబాను ఆశ్ర‌యించారు. త‌ల్లికి వైద్యం చేస్తూనే.. ఆమె కుమార్తెల‌పై బాబా క‌న్నేశాడు. అక్కాచెల్లెళ్ల‌పై ప‌లుమార్లు అత్యాచారం చేశాడు. వీరిలో ఒక‌రికి పెళ్లి కాగా, ఆమెకు విడాకులు కూడా ఇప్పించి దారుణాల‌కు పాల్ప‌డ్డాడు. ఆ వివాహిత‌పై బాబా కుమారుడు కూడా అత్యాచారం చేశాడు. అక్కాచెల్లెళ్ల‌ను మాన‌సికంగా, శారీర‌కంగా వేధించ‌డ‌మే కాకుండా, ఆర్థికంగా కుంగ‌దీశాడు బాబా. బాధిత యువ‌తుల ఫిర్యాదుతో పోలీసులు కేసు న‌మోదు చేసి ద‌ర్యాప్తు చేప‌ట్టారు. బాబాతో పాటు అత‌ని కుమారుడిని పోలీసులు అరెస్టు చేశారు.