పంజాబ్ కాంగ్రెస్ లో ఏర్పడిన వివాదానిక తెర పడింది. పంజాయ్ కాంగ్రెస్ అధ్యక్షుడిగా నవజ్యోత్ సింగ్ సిద్ధూకు పార్టీ హైకమాండ్ ఆమోద ముద్ర వేసింది. మరో నలుగురిని వర్కింగ్ ప్రెసిడెంట్లుగా నియమించే అవకాశం ఉన్నట్లు కాంగ్రెస్ వర్గాలు పేర్కొన్నాయి. వచ్చే ఏడాది పంజాబ్ లో ఎన్నికలు జరగనున్న వేళ.. సీఎం అమరిందర్ సింగ్, ఎమ్మెల్యే సిద్ధూ మధ్య విభేదాలు తారస్థాయికి చేరడం కాంగ్రెస్ హైకమాండ్ దీనిపై దృష్టి పెట్టింది. పంజాబ్ ప్రదేశ్ కాంగ్రెస్ కమిటీ (పీపీసీసీ) అధ్యక్షుడిగా నవజ్యోత్ సింగ్ సిద్ధూ నియామకానికి వ్యతిరేకంగా సీఎం కెప్టెన్ అమరీందర్ పార్టీ అధ్యక్షురాలు సోనియా గాంధీకి లేఖ రాశారు. దీంతో రాష్ట్ర ఇంఛార్జి, ఏఐసీసీ ప్రధాన కార్యదర్శి హరీశ్ రావత్తో సమావేశం అనంతరం వెనక్కి తగ్గారు. అధ్యక్షుడిగా ఎవరిని నియమించినా సంపూర్ణ సహకారం అందిస్తామని స్పష్టం చేశారు.
ఇది కూడా చదవండి: ఈ ఏడాది ఖైరతాబాద్ వినాయకుడి ఎత్తు ఎంతో తెలుసా?