వేములవాడ రాజన్నకు పట్టువస్త్రాలు సమర్పించిన మంత్రి

మహాశివరాత్రి సందర్భంగా శివాల‌యాలు శివ‌నామ‌స్మ‌ర‌ణ‌తో మార్మోగిపోతున్నాయి. శైవ‌క్షేత్రాల‌న్ని భ‌క్తుల‌తో కిట‌కిట‌లాడుతున్నాయి. మహా శివరాత్రి సందర్బంగా వేములవాడ రాజరాజేశ్వర స్వామికి ప్రభుత్వం తరపున దేవాదాయశాఖ మంత్రి ఇంద్రకరణ్ రెడ్డి పట్టు వస్రాలు సమర్పించారు. ఈ కార్యక్రమంలో పౌరసరఫరాల శాఖ మంత్రి గంగుల కమలాకర్ కూడా పాల్గొన్నారు.  వేముల‌వాడ రాజ‌న్న ఆల‌యంలో సాయంత్రం 4 గంట‌ల‌కు శివ‌దీక్ష స్వాముల‌కు ద‌ర్శ‌నం క‌ల్పించ‌నున్నారు. సాయంత్రం 6:05 గంట‌ల‌కు స్వామి వారి క‌ల్యాణ‌మండ‌పంలో మ‌హాలింగార్చ‌న నిర్వ‌హించ‌నున్నారు. రాత్రి 11:35 గంట‌ల‌కు లింగోద్భ‌వ స‌మ‌యంలో మ‌హాన్యాస పూర్వ‌క రుద్రాభిషేకం నిర్వ‌హించ‌నున్నారు.