Saturday, November 26, 2022

ISRO: భారత్​, భూటాన్​ సంయుక్త ప్రయోగం ఓషన్​శాట్​–3.. 26న నింగిలోకి దూసుకెళ్లనున్న పీఎస్​ఎల్​వీ‌‌-సీ54

భారత అంతరిక్ష పరిశోధనా సంస్థ (ఇస్రో) శ్రీహరికోటలోని సతీష్ ధావన్ అంతరిక్ష ప్రయోగ కేంద్రం నుంచి ఈ ఏడాది పోలార్ శాటిలైట్ లాంచ్ వెహికల్ (పీఎస్‌ఎల్‌వీ) చివరి ప్రయోగాన్ని శనివారం చేపట్టనుంది. ఈ ప్రయోగాన్ని ఓషన్‌శాట్-3 గా శాస్త్రవేత్తలు చెబుతున్నారు. ఇది ఎర్త్ అబ్జర్వేషన్ శాటిలైట్-03 (EOS-03)ని నింగిలోకి తీసుకెళ్లనుంది. భారత్​, భూటాన్​ ఒప్పందంలో భాగంగాఈ ప్రయోగాన్ని సంయుక్తంగా చేపడుతున్నారు.

– ఇంటర్నెట్​ డెస్క్​, ఆంధ్రప్రభ

- Advertisement -
   

ఓషన్‌శాట్-3తో పాటు.. భారత్, భూటాన్ సంయుక్తంగా డెవలప్​ చేసిన ఎనిమిది నానోశాటిలైట్​లను ఇస్రో నింగిలోకి పంపనుంది. సక్సెస్​ఫుల్​ రాకెట్​గా పేరుగాంచిన పీఎస్​ఎల్​వీ లాంచ్ వెహికల్ ద్వారా భారత అంతరిక్ష పరిశోధనా సంస్థ ఈ ఏడాది అయిదో ప్రయోగాన్ని చేపడుతోంది. ఈ ఉపగ్రహాన్ని సన్ సింక్రోనస్ ఆర్బిట్‌లోకి ప్రయోగించనున్నారు. 2019లో ప్రధాని నరేంద్ర మోదీ థింపూ పర్యటన తర్వాత అంతరిక్ష ప్రయోగం సంయుక్తంగా చేపట్టనున్నట్టు పేర్కొన్నారు. దీనికి సంబంధించిన ఒప్పందాన్ని భారతదేశం సెప్టెంబర్ 2021లో భూటాన్‌తో కుదుర్చుకుంది.

30 సెంటీమీటర్ల క్యూబిక్ ఉపగ్రహాన్ని భూటాన్ ఇంజనీర్లు తయారు చేశారు. ఇది భూటాన్​ మీదుగా ఎగురుతూ భూమి ఉపరితలం చిత్రాలను తీస్తుంది. 15 కిలోల బరువున్న ఈ ఉపగ్రహం భూటాన్ ఉపరితలాన్ని రోజుకు కనీసం రెండు మూడు సార్లు కవర్ చేస్తుంది. భూటాన్ ఇంజనీర్లు మాత్రం తక్కువ రిజల్యూషన్‌తో ప్రస్తుతం ఫొటోలు ఉంటాయని అంటున్నారు.  భూటాన్ 2019లో తన మొదటి ఉపగ్రహం భూటాన్-1ను అంతరిక్షంలోకి ప్రవేశపెట్టింది. ఇది విద్య ఆధారిత క్యూబ్‌శాట్. అదే సమయంలో ఓషన్‌శాట్ శ్రేణి ఉపగ్రహాలు భూమి పరిశీలన, నీటి వనరుల పర్యవేక్షణ కోసం ఉపయోగిస్తున్నారు. మొదటి Oceansat 1999లో భూమి పైన దాదాపు 720 కిలోమీటర్ల దూరంలో ఉన్న పోలార్ సన్ సింక్రోనస్ ఆర్బిట్‌లో ప్రయోగించారు.

కాగా, సముద్ర శాస్త్ర అధ్యయనాల కోసం ఉపగ్రహం ఓషన్ కలర్ మానిటర్ (OCM), మల్టీ-ఫ్రీక్వెన్సీ స్కానింగ్ మైక్రోవేవ్ రేడియోమీటర్ (MSMR)ని మోసుకెళ్లింది. ఈ ఉపగ్రహం 2010, ఆగస్ట్ 8 నుంచి  కక్ష్యలో 11 సంవత్సరాలుగా పనిచేస్తూనే ఉంది. ఇటాలియన్ స్పేస్ ఏజెన్సీ అభివృద్ధి చేసిన ఓషన్ కలర్ మానిటర్ (OCM), కు-బ్యాండ్ పెన్సిల్ బీమ్ స్కాటరోమీటర్ (SCAT), రేడియో అక్యుల్టేషన్ సౌండర్ ఫర్ అట్మాస్పియర్ (ROSA) అనే మూడు పేలోడ్‌లతో 2009లో PSLV-C14 మిషన్‌లో ఓషన్‌శాట్-2 సక్సెస్​ అయ్యింది.

Advertisement

తాజా వార్తలు

Advertisement